Bosnia e Herzegovina

Bosnia e Herzegovina es un land in Europa. Li cité capital es Sarajevo.

Bosnia e Herzegovina
Bosna i Hercegovina
Босна и Херцеговина

Cité capital	Sarajevo
Lingues	Bosnian, Croatian, Serb
Area	51 197 km²
Population	3 531 159
Valuta	Mark (BAM)

Bosnia e Herzegovina have 4.552.000 habitantes. Circa 48 percent del habitantes es bosniakes, 37 percent serbes e 14 percent croates.

Desde 1995 li state consiste de du entitetes, li Republika Srpska e li Federation Bosnia e Herzegovina e li autonom Districte Brčko.

Presidentes: Denis Bećirović, Željka Cvijanović, Željko Komšić

Prim-Ministre: Borjana Krišto

Historie

• 1154-1377 Bosnia esset quam Banatu Bosnia un quasi índependent ducatu.
• 1377-1461 Bosnia esset un índependent reyatu quam Reyatu Bosnia.
• 1463 Li Otoman Imperie conquestat Bosnia. Mult homes changea lor religion convertet al islam.
• 1482 Li otomanes anc ocupat Herzegovina.
• 1878 Li Congress de Berlin decidet que Bosnia e Herzegovina venit sub li administration de Austria-Hungaria.
• 1908 Austria-Hungaria anexet oficialmen Bosnia e Herzegovina.
• 1914 Li austrian successor al tron Franz Ferdinand de Austria es assassinat in Sarajevo e devenit li motive por li comense del Unesim Guerre Mundal.
• 1918-1941 Bosnia e Herzegovina devenit un parte del Reyatu Yugoslavia.
• 1941-1944 Pos li atacca e ocupation de Germania e Italia Bosnia e Herzegovina devenit un parte del Índependent State Croatia, ma Bosnia e Herzegovina anc devenit un bastion del comunustic partisanes de Yugoslavia. Li chef del tre successosi partisanes esset Josip Broz Tito.
• 1943 In Jajce evenit li conferentie del Anti-fascistic consilie por li líberation de Yugoslavia.
• 1946-1992 Bosnia e Herzegovina devenit quam Socialist Republica Bosnia e Herzegovina un del six republicas del Socialist Federativ Republica de Yugoslavia.
• 1992 Bosnia e Herzegovina declarat ye li 1-im de marte su índependentie, ma li serb population de Bosnia e Herzegovina volet restar parte de Yugoslavia e declarat se quam Republika Srpska.
• 1992 - 1995 Guerre Intern de Bosnia e Herzegovina inter li tri national gruppes de serbes, croates e bosniakes.
• 1995 Li tractate de Dayton finit li guerre intern e Bosnia e Herzegovina es constituet quam un decentralisat state, quel existe li du entitetes Republika Srpska e li Federation Bosnia e Herzegovina.
• 2000 Li autonom Districte Brčko es creat, quel apartene formalmen a ambi entitetes.

Sport

In li annu 1984 evenit li Olimpic Ludes del hiverne in Sarajevo. Li max populari sportes in Bosnia e Herzegovina hodie es football, basketball e handball. In li football Bosnia e Herzegovina qualificat se por li unesim vez por li Championatu mundal de football 2014 in Brasil.

Vide anc

• Liste de cités in Bosnia e Herzegovina secun population