Malta

Malta es un land situat in Europa. It es un sud-europan insul-state in li Mediterraneo.

Republica de Malta
Repubblika 'ta Malta
Republic of Malta

Cité capital	Valletta
Prim-Ministre	Robert Abela
Presidente	Myriam Spiteri Debono
Vice-Presidente	{{{vice-presidente}}}
Lingues	Anglesi e maltesi
Area	316 km²
Population	475 700
Valuta	Euro (EUR)

Malta es un archipelago quel consiste ex li tri habitat insules Malta, Gozo e Comino e li litt nehabitat insulettes Cominotto, Filfla, St. Paul's Islands e Fungus Rock. Li archipelago es situat 81 kilometres sud de Sicilia.

Li state Malta have 425.384 habitantes e un area de 316 quadrat-kilometres. 98 percent del habitantes es secun religion roman-catolic.

Li cité capital de Malta es Valletta, ma li max grand cité del land es Birkirkara. Li oficial lingues de Malta es anglesi e maltesi.

Politica

Malta es un parlamentari republica, li presidente quam chef del state es electet in li parlament quel have li nómine Dom del Representantes. Li political vive de Malta es dominat per li crist-conservativ Partit Nazzjonalista e li socialdemocratic Partit Laburista.

• Presidente: Myriam Spiteri Debono (Partit Laburista)
• Prim-Ministre: Robert Abela (Partit Laburista)

Historie

• 890-1070 Malta es sub li regne del arabes.
• 1530-1798 Li Órden del cavallieros de Sant Johann guverna Malta quam su propri state.
• 1798-1800 Malta esset ocupat de Francia.
• 1800-1964 Malta esset un colonia del Reyatu Unit.
• 1964 Ye li 21-im de septembre 1964 Malta devenit índependent del Reyatu Unit.
• 2004 Ye li 1-im may 2004 Malta devenit un membre del Europan Union.
• 2008 Malta introductet li Euro quam valuta.

Sport

Li max popular sport in Malta es football.

Vide anc

• Soveran Militari Órden de Malta