Nord-Macedonia

Nord-Macedonia es un land situat in Europa. Li nómine del state esset changeat in li annu 2019 per un tractate con Grecia pos annus de ínclaritá u su nómine esset sive simplicmen Macedonia (contra quel li guvernament grec protestat) sive FYROM Macedonia (anglés: Former Yugoslav Republic of Macedonia), considerat tro pesant e ligat al passate por un land soveran.

Nord-Macedonia

Cité capital	Skopje
Prim-Ministre	Dimitar Kovachevski
Presidente	Stevo Pendarovski
Lingues	Macedonian, Albanian
Area	25,713 km²
Population	2,077,132 (2019)
Valuta	Denar (MKD)

Li land have 2.103.721 (2017) habitantes e un area de 25.713 quadrat-kilometres.

Li cité capital de Macedonia es Skopje.

Historie

• 1392 Skopje devenit un parte del Osman Imperie.
• Del 14-im secul til 1912 esset Macedonia un parte del Osman Imperia.
• 1912-1913 Macedonia es dividet pos li Guerres de Balkan inter Serbia, Grecia e Bulgaria.
• 1918 Vardar-Macedonia esset un parte del Reyatu Yugoslavia.
• 1941-1944 Macedonia esset ocupat e anexet de Bulgaria.
• 1944-1991 Macedonia esset un propri socialist republica in li Federativ Socialist Republica Yugoslavia e developat se a un propri nation.
• 1991 Ye li 8 de septembre 1991 Macedonia declarat su índependentie.
• 2001 Revolte de albananeses. Acorde de Ohrid da li albanesi minoritá un special statu.
• 2019 (februar) Li nómine changeat per un tractate con Grecia in Nord-Macedonia, signat li annu passat.
• 2020 Li 27-im de marte Nord-Macedonia devenit membro del NATO.

National gruppes

Macedonia have un grand albanesi minoritá quel vive inter omnicos in li nord-west del land. Secun datas ex li annu 2002 25,17 percentes del population del land es albaneses e 64,18 percentes macedonianes. Pos li revolte de albaneses in li annu 2001 li albanesi minoritá have per li Acorde de Ohrid un special statu.

Politica

Macedonia es un parlamentari republica benque li presidente es electet directmen per li popul. Li parlament have li nómine Sobranie e es electet chascun quar annus. Li Sobranie have deputates.

Prim-Ministre: Dimitar Kovachevski (desde 16-im de januar 2022)

Presidente: Stevo Pendarovski (desde li may 2019)

Li max important political partises ex inter li slavic macedonianes li national-conservativ VRMO-DPMNE e li Socialdemocratic Union de Macedonia. Inter li albaneses in Macedonia li Democratic Union del Integration e li Democratic Partise del Albaneses es li max important partises. Inter li annu 2006 e 2016 guvernat li VMRO-DPMNE in un coalition con li Democratic Union por Integration.

Sport

Li max populari sportes in Macedonia es handball, basketball e football. In li annu 2002 li handball-club Kometal Skopje ganiat li EHF Liga de Championes por féminas e in li annu 2008 li Europan championatu de handball por féminas evenit in Nord-Macedonia.