Željka Cvijanović

Željka Cvijanović nascet quam Željka Grahovac es un politico de Bosnia e Herzegovina. Ella nascet in li annu 1967 in Teslić (Bosnia e Herzegovina) e es desde li 16-im de novembre 2022 serb membre del statal presidentie de Bosnia e Herzegovina. Inter li annu 2018 e 2022 Željka Cvijanović esset presidente del Republika Srpska, quel es li serb entitet del land.

Željka Cvijanović

Personal e professional vive modificar

Željka Cvijanović studiat in li filosofic facultá del Universitá Sarajevo, in li n li filosofic facultá del Universitá Banja Luka e in li n li juristic facultá del Universitá Banja Luka.

Ella laborat quam instructora e profesoressa de anglesi e anc quam traductoressa e asistenta in li mission del Europan Union in Bosnia e Herzegovina.

Željka Cvijanović es membre del partise Union del índependent socialdemocrates/SNSD e esset li chef del buró del presidente del Republika Srpska. Ta ella directet li departement del europan integration.

Ella es maritat con Aleksandar Cvijanović, qui es li general-director del Institute de Construction (Zavoda za izgradnju) in Banja Luka. Li cuple have du infantes.

Political cariera modificar

  • 2010-2013 Inter li 29-im de decembre 2010 e li 27-im de februar 2013 ella esset ministra por economic relationes e cooperation in li guvernament del Republika Srpska sub prim-ministre Aleksandar Džombić.
  • 2013-2018 Željka Cvijanović esset prim-ministre del Republika Srpska.
  • 2014 In li annu 2014 ella candidat por li position del serb membre del Presidentie del state de Bosnia-Herzegovina por li SNSD, perdit strettmen contra Mladen Ivanić. Željka Cvijanović recivet 47,56 percentes e Mladen Ivanić 48,71 percentes. Li 18-im de decembre 2014 Željka Cvijanović esset reelectet quam prim-ministre del [Republika Srpska]] in li parlament del serb entitet.
  • 2018-2022 Željka Cvijanović esset presidente del Republika Srpska.
  • 2022 Željka Cvijanović es electet quam serb membre del statal presidentie de Bosnia-Herzegovina

Extern ligamentes modificar