Mladen Ivanić

Mladen Ivanić es un serb politico de Bosnia e Herzegovina. Il nascet li 16-im de septembre 1958 in Sanski Most e esset prim ministre del guvernament del Republika Srpska inter 2001 e 2003. Il esset li presidente del liberal-conservativ Partise del Democratic Progresse inter li annus 1999 e 2015. Il es doctor de economie. Inter li 17-im de novembre 2014 e 2018 Mladen Ivanić esset representante de serbes in li Presidentie de Bosnia e Herzovina.

Personal e professional vive

Mladen Ivanić habita desde li annu 1971 in Banja Luka e il studiat economie ta. In li annu 1981 il fat su diploma de economie in li universitá de Banja Luka. In li annu 1988 il fat li gradu de doctor de economie in li universitá de Beograd (Serbia). Il continuat su studies in Mannheim (Germania) e Glasgow (Reyatu Unit). Desde li 1985 il doce political economie in li universitá de Banja Luka e in li annu 1998 il devenit professor del universitá de Banja Luka. Ivanić anc docet political economie in li universitás de Sarajevo (de 1990 til 1992) e Ost-Sarajevo (de 1992 til 1998). In li annu 1999 il comensat su political cariera con li fundation del Partise del Democratic Progresse.

Mladen Ivanić es maritat e have du infantes.

Political cariera

1988-1991 Membre del Statal Presidentie de Bosnia e Herzegovina.
1999 Mladen Ivanić fundat li Partise del Democratic Progresse e devenit su presidente.
1999-2015 Presidente del Partise del Democratic Progresse
2001-2003 De 16-im januar 2001 til 17-im januar 2003 il esset prim-ministre del Republika Srpska in un coalition inter li Partise del Democratic Progresse e li Serb Democratic Partise.
2003-2007 Ministe por externi aferes de Bosnia e Herzegovina.
2011-2014 Membre del Dom de nationes del parlament del state Bosnia e Herzegovina.
2014 Mladen Ivanić es electet al position del serb membre in li Statal Presidentie de Bosnia e Herzegovina quam candidate del unit oposition. Il ganiat con 48,71 percentes strettmen contra Željka Cvijanović qui recivet 47,56 percentes.
2015 Mladen Ivanić resignat quam presidente del Partise del Democratic Progresse.
2018 Mladen Ivanić perdit li election al Statal Presidentie de Bosnia e Herzegovina contra Milorad Dodik.

Ligamentes extern

Biografie de Mladen Ivanić sur li internat págine del Partise del Democratic Progresse