Twitter (Interlingue: pipiada) es un servicie por micri bloges e social retage in li internet. Li usatores posse posir e discuter curt missages.
In prim li missages che Twitter devet haver admaxim 140 signes, ma in li novembre 2017 ti númere del permisset signes esset duplicat a 280 signes. In li annu 2019 Twitter havet 321 activ milliones usatores.
On posse installar e usar Twitter quam aplication sur smartfones o per computator.
Twitter esset fundat li 21-im de marte 2006 de Jack Dorsey, Noah Glass, Biz Stone e Evan Williams in San Francisco (USA). Til hodie Twitter ha su sede in San Francisco.
Li firma Twitter, Inc es tre successosi in li sense de economie. In li annu 2019 Twitter fat un profite de 1,47 miliardes US-dóllares. Li actual executiv presidente de Twitter, Inc es Omid Kordestani.
Inter politicos li usada de Twitter es un populari e efectiv element por propaganda. In li annu 2021 Twitter clúdet li conto del presidente del USA Donald Trump pro apell por violentie. Criticos opine que Twitter plu e plu censura li líber expression de opiniones.
Twitter e Interlingue modificar
Pluri usatores de Twitter scri in Interlingue.