Philip Hammond

Philip Hammond es un politico del Reyatu Unit. Il nascet li 4-im de decembre 1955 in Epping (Essex) e nter li 14-im de julí 2014 e 13-im de julí 2016 ministre por externi aferes in li guvernament de David Cameron. Hammond es membre del Conservativ Partise.

Personal e professional vive

Philip Hammond finit li scola in li 1974 e studiat filosofie, political scientie e economie al University of Oxford. Pos su studies il laborat in un farmaceutic firma.

In li annu 1994 Hammond laborat por li Mund-Bank e inter 1995 e 1997 quam consiliero por li guvernament de Malawi.

Philip Hammond es maritat con Susan Carolyn Williams-Walker desde li annu 1991. Li cuple have du filias e un filio.

Political cariera

Desde li annu 1979 Hammond es activ por li Conservativ Partise.

1994 Il candidat sin successe in li districte electoral Newham North East por li parlament del Reyatu Unit.
1997 Hammond es electet quam membre del parlament del Reyatu Unit in li districte electoral Runnymede and Weybridge.
1997-2019 Philip Hammond esset membre del parlament del [Reyatu Unit]]
2010-2011 Ministre por trafic in li guvernament de David Cameron.
2011-2014 Ministre por defense in li guvernament de David Cameron.
2014-2016 Hammond esset inter li 14-im de julí 2014 e 13-im de julí 2016 ministre por externi aferes in li guvernament de David Cameron.
2016-2019 Philip Hammond esset inter li 13-im de julí 2016 e 25-im de julí 2019 ministre por economie e financies in li guvernament de Theresa Man

Hammond es egardat quam politico, qui es sceptical contra li Europan Union, ma anc contra li ex-prim-ministre Boris Johnson e su politica.