Malcolm Turnbull
Malcolm Bligh Turnbull es un politico de Australia. Il nascet li 24-im de octobre 1954 in Sydney e esset inter li 15-im de septembre 2015 e li 24-im de august 2018 prim-ministre de Australia. Turnbull esset anc presidente del Liberal Partise de Australia.
Personal e professional vive modificar
Malcolm Turnbull studiat jurisprudentie e arte. Il continuat su studies del jurisprudentie in li famosi universitá de Oxford in Anglia. Paralelmen a su studies il laborat quam jurnalist.
In li annu 1980 Turnbull retornat a Australia e comensat laborar quam avocate e devenit director de diversi firmas.
In Anglia Malcolm Turnbull maritat in li annu 1980 Lucy Hughes. Li cuple have un filio Alex (nascet 1982) e un filia Daisy (nascet 1985).
Political cariera modificar
- 1993-2000 Malcolm Turnbull esset presidente del Australian Republican Movement quel volet abolir li monarchie in Australia.
- 2004 Malcolm Turnbull es electet in li parlament de Australia in li electoral districte Wentworth por li Liberal Partise de Australia.
- 2007 Ministre del circumité e aqua.
- 2008-2009 Presidente del Liberal Partise de Australia.
- 2013-2015 Ministre por comunication in li guvernament de Tony Abbott.
- 2015 Malcolm Turnbull devenit li 15-im de septembre 2015 prim-ministre de Australia.
- 2018 Turnbull resignat quam prim-ministre ye li 24-im de august 2018 e anc abandonat su sede in li parlament de Australia pro mal resultates de su Liberal Partise de Australia.