Monarchie

Monarchie es un forme de guvernament. En states con un monarchie un person recive li titul del monarch. Li parol monarchie veni del grec parol μοναρχία monarchía e significa li regnantie de un person.

Un coron quam simbol del monarchie

Li monarch customalmen regna durant til su morte o abdication. Li contrarie de un monarchie es un republica. Customalmen li oficie del monarch es dat a un person ex li nobilitá. Tipical monarchic titules es rey e imperator. In li teocratie li representante de un religion have li titul e function de un monarch.

Li potentie e competenties del monarchie varia. Hay diferent tipes del monarchie. Li classic forme de un monarchie es li absolut monarchie en quel li monarch have omni potentie e competenties sin restrictiones. Ti forme del monarchie esset mult present in li historie, precipue in li antiquitá e li medievie. Hodie li constitutional monarchie es plu frequent in quel li potentie e competenties es limitat per li constitution e li leges.

Secun li teorie del sociolog Max Weber monarchie es un forme de tradional regnantie.

Simboles de monarchieRedacter

Simboles de monarchie es sovente corones e sceptre.

Monarchie hodieRedacter

In Europa li sequent states es un constitutional monarchie:

Til li Unesim Guerre Mundal anc Germania, Austria-Hungaria e Russia esset monarchies. Anc Francia, Polonia e Portugal esset monarchies in li historie.

In Asia hodie Japan, Bhutan, Thailand e mult arabic states es monarchies.