Jörg Meuthen

Jörg Meuthen es un economist e politico de Germania. Il nascet in li annu 1961 e esset intere li 4-im julí 2015 e li 28-im de januar 2022 co-presidente del political partise Alternative por Germania. Jörg Meuthen forlassat li partise ye li 28-im de januar 2022. Il esset un representate del moderat fraction in li partise Alternative por Germania e combattet contra li radical dextri fraction in li partise. In li junio 2022 Meuthen devenit membre del cristan-conservativ German Partise del Centre, ma abandonat li partise ye li 8-im de septembre 2023. Ye li fine de septembre 2024 Jörg Meuthen devenit membre del conservatv partise Union de Valores.

Jörg Meuthen in li annu 2015

Personal e professional vive

Meuthen studiat economie. Il li annu 1993 il finit su doctoratu in economie che li universitá de Köln. Pos to il laborat quam referente in li ministerie de finances del german país federal Hesse. Desde li annu 1997 il es docente e professor in li alt-scola por public administration in Kehl.

Jörg Meuthen es maritat e have quin infantes. Il habita in Karlsruhe.

Political cariera

• 2013 Jörg Meuthen devenit membre del partise Alternative por Germana e vice-presidente del partise in Baden-Württemberg.
• 2014 Jörg Meuthen candidat por li Europan Parlament sur li liste del Alternative por Germania, ma ne esset electet.
• 2015 Meuthen es electet in li partise-congress in Essen li 4-im de julí 2015 quam duesim presidente del partise Alternative por Germania contra quin altri candidates e recivet 62 percentes del votes.
• 2015-2022 Meuthen esset un del du co-presidentes del Europan Parlament.
• 2017 Meuthen devenit un membre del Europan Parlament.
• 2019 Jörg Meuthen es electet denov quam membre del Europan Parlament. Il esset li prim candidate del Alternative por Germania in li election al Europan Parlament 2019.
• 2021 Jörg Meuthen declarat que il ne va esser denov un candidate por li position del presidente del Alternative por Germania.
• 2022 Jörg Meuthen forlassat li partise Alternative por Germania ye li 28-im de januar 2022. Il declarat que li extrem dextri fraction domina li partise e pro to il abandonat li Alternative por Germania. Jörg Meuthen declarat li 10-im de junio 2022 que il es nu membre del cristan-conservativ German Partise del Centre.
• 2023 Jörg Meuthen forlassat li German Partise del Centre ye li 8-im de septembre 2023.
• 2024 Jörg Meuthen devenit in li fine de septembre 2024 membre del conservativ partise Union de Valores .

Ovres (selection)

Meuthen ha pubcliat quelc libres pri macro-economie.

• Jörg Meuthen (Co-Autor): Kirchen als parafiskalische Organisationen. In: Politik der Parafiski/Klaus Tiepelmann (Hrsg.). S + W Steuer- und Wirtschaftsverl., Hamburg 1997. ISBN 3-89161-891-3. Págines 137–161.
• Jörg Meuthen (Co-Autor): Kredithöchstgrenze und Haushaltsvollzug. In: Die öffentliche Verwaltung. Kohlhammer, Stuttgart 1995. ISSN 0029-859X. Págines 461–466.
• Jörg Meuthen (Co-Autor): Der Wohneigentumsmarkt im Lichte der geplanten Verbraucherschutzrichtlinien der Europäischen Gemeinschaft. In: Entwicklungen in der Wohnungspolitik/Klaus Mackscheid (Editores). Nomos, Baden-Baden 1994. ISBN 3-7890-3343-X , Págines 179–196.
• Jörg Meuthen: Die Kirchensteuer als Einnahmequelle von Religionsgemeinschaften. Lang, Frankfurt am Main 1993. ISBN 3-631-46619-6. Recension