Union de Valores

Li Union de Valores (german: WerteUnion, acurtat WU) es un dextri-conservativ partise de Germania, quel esset fundat ye li 17-im de februar 2024 in Remagen. In li annu 2017 li political organisation Werteunion esset fundat quam prova organisar li dextri parte del Cristan Democratic Union de Germania, ma li organisation restat sin influentie in li partise. Li presidente del political organisation Werteunion Hans-Georg Maaßen anunciat ye li januar 2024 li transformation de ti organisation in un political partise.

Li logo del Union de Valores

Ye political organisation Werteunion deve exister anc in li futur por promoer li partise Werteunion. Levul political partises e organisationes quam li Socialdemocratic Partise de Germania e li radical-levul partise Alliantie'90/Li Verdes prova denunciar li Union de Valores quam dextri-extremist.

General Information

• Nómine: Union de Valores (german: Werteunion)
• Fundation: 17-im de februar 2024 in Remagen quam political partise
• Political direction: dextri-conservativ
• Colores: obscur-blu e orangecolori
• Membritá: neconosset
• Fundator e initiator: Hans-Georg Maaßen
• Presidente: Hans-Georg Maaßen
• Vice-presidentes: Alexander Mitsch, Kay-Achim Schönbach e Albert Weiler
• Sede del organisation: Berlin

Historie

Li partise Union de Valores esset fundat sur un nave in Remagen ye li 17-im de februar 2024. Ta esset electet un presidentie de fundation con Hans-Georg Maaßen, Ye li 18-im de octobre 2004 li Union de Valores anuciat que it negocia con li partise Alliantie Germania pri un fusion .

Electiones

• In li electiones al parlament del país federal de Saxonia ye li 1-im de septembre 2024 li Union de Valores recivet 6.469 votes e 0,3 percentes. Prim-candidate esset: Heiko Petzold.
• In li electiones al parlament del país federal de Thuringia ye li sam die li Union de Valores recivet 6.780 votes e 0,6 percentes. Prim-candidate esset: Albert Weiler
• In li electiones al parlament del país federal Brandenburgia ye li 22-im de septembre 2024 li Union de Valores havet solmen 3.877 votes e 0,26 percentes. Prim-candidate esset: Anna-Sophia Werz.

Politica

Li Union de Valore ne exclude un coalition con li radical dextri partise Alternative por Germania. Pro to li partise es egardat quam dextri-extremist de levul partises e medies. Li Union de Valore self vide se quam national-conservativ e in questiones del economie quam liberal.

Ligamentes extern

• Internet-págine del Union de Valores
• Facebook págine del Union de Valores