Boris Tadić

Boris Tadić (cirilic scrit: Борис Тадић) es un politico de Serbia. Il nascet li 15-im de januar 1958 in Sarajevo (hodie: Bosnia e Herzegovina) e esset presidente de Serbia inter li 11-im de julí 2004 e li 5-im de april 2012. Tadić esset li presidente del Democratic Partise inter li 22-im februar 2004 til li 25-im de novembre 2012. Li 29-im de januar 2014 Boris Tadić fundat li Nov Democratic Partise quel have hodie li nómine Socialdemocratic Partise e il devenit li presidente de ti partise.

Personal e professional cariera

Boris Tadić nascet in Sarajevo quam filio del filisof Ljubomir Tadić qui esset membre in li Serbian Academie del Artes e del Scientie e del psichologa Nevenka Tadić. Quande Boris Tadić esset in li etá de tri annus su familie translocat a Beograd in Serbia. Ta il esset in li scole e studiat psichologie al facultá del filosofie del Universitá de Beograd.

Il laborat quam jurnalist, psichologo e instructor in li scole. Boris Tadić anc docet in li facultá de drama del Universitá de Beograd.

Boris Tadić e maritat con Tatjana Rodić e li cuple have du infantes.

Political cariera

1990-2014 Membre del Democratic Partise.
1998 Boris Tadić fundat li ne-guvernamental organisation Centre por modern capabilitás (Centar modernih veština/CMV.)
2000-2003 Ministre de telecomunication in li guvernament del Federal Republica Yugoslavia inter li 4-im de novembre 2000 e li 17-im de marte 2000.
2003-2004 Ministre por defense in li Union Serbia e Montenegro inter li 17-im de marte 2003 e li 16-im de april 2004.
2004-2012 Inter li 11-im de julí 2004 e li 5-im de april 2012 Boris Tadić esset li presidente de Serbia.
2004-2012 Presidente del Democratic Partise inter li 22-im februar 2004 til li 25-im de novembre 2012.
2012-2014 Boris Tadić esset honorari presidente del Democratic Partise.
2014 Boris Tadić ne successat devenir denov Presidente del Democratic Partise e pro to il fundat li 29-im de januar 2014 li Nov Democratic Partise quel have hodie li nómine Socialdemocratic Partise e il devenit li presidente de ti partise.

Politica

Boris Tadić es egardat quam moderat, liberal e pro-europan serb politico.