Auxilie:Prim passus/5

Págines de conversation

Un important qualitá de Wikipedia es li possibilitá del conversation. Pro to existe a chascun articul e a omni altri págine de Wikipedia un relatet conversational págine. Do, si tu dúbita un assertion in un articul, have material ameliorativ propositiones o vole communicar un commenta, li max facil maniere es, que tu scri un remarca sur li págine de conversation del articul. Anc usatores have, quam articules, págines de conversation. Si tu vole questionar alquó a un usator, tu posse lassar tu question sur su págine de conversation.

Discusser ameliorationes de articules e commensar parlar con un usator

• Ea al articul o al págine del usator, pri quel tu vole scrir un conversational contribution.
• Clacca in li superior region del págine a «Discussion». Ne time, si li ligament es rubi. To significa solmen, que til nu nequí ha comensat un conversation e pro to ancor ne existe un págine de conversation.
• Si un págine de conversation existe, tu vide li ja scrit contributiones.
• Tu posse augmentar li existent conversationes per un clicca a «Redacter» o a li modificativ ligamentes apu li titules. Li max facil maniere por comensar un nov thema es per clicca sur «Adjunter thema» dextri de «Redacter».

Textual structuration e formatation

• Tu posse nu augmentar li conversation in li blanc textual fenestre o comensar un nov thema de conversation. Tu posse formater li textus sam, quam durant li redaction e creation de articules.
• Si tu vole responder a alquí, scri tu contribution sub li comentas del altri usatores, distiņet per un vacui linea. Tu ne mey changear contributiones de altri usatores.
• Pro clartá, on sovente indenta contributiones per duplic punctus, quam ja descrit in li antean parte. Ma it es anc possibil structurar li textu per asterisces o grilles.

Subscrite/Signatura

• Porque on save, que ha scrit li contribution, ples scrir pos tui comenta --~~~~ (du strecs plus quar tildes), antequam tu clicca a «Previder págine» e «Conservar págine». Durant li conservation li secuentie de signes es changeat al date, li témpore e li nómine del usator respectivmen al IP-adresse che ínregistrat usatores.
• Max facilmen tu recive li secuentie de signes, cliccante al icon in li linea de redactori utensiles, queles trova se súper li textual fenestre.

↑ Retro al comensa