Auxilie:Prim passus/3

Redaction

Modificar un articul

Omni posse editer, compleer, correcter e naturalmen ameliorar li articules in li Wikipedia.

• Voca li articul, quel tu vole editer.
• Clicca o sur «Redacter» in li cap-region del págine o sur «Modificar» por editer un part del articul.
• Nu tu posse editer li textu. Supposibilmen in li textu appari quelc straņi signes (tal nominat Wikitextu). Illi es responsabil por li formation del articul e por li referenties ínter li articules. In li secuent capituls noi scri pri to plu detaļatmen.
• Scri in li camp «Resumé e fontes» per concis paroles tui changes, do p. ex. «Tipp-erra» o «date correctet», por que altri usatores posse plu facilmen secuer, quo ha esset changeat. Si tu ha amplexat li textu, ples indicar tui fontes.
• Observa, que in articules (contrarimen al págines de discussion) li marcada per tui nómine es índesirat e ínnecessari, nam li detection de tui autorie eveni ja samtemporli con tui change per un automatic intrada in li historie del articul.
• Clicca sur li buton «Previder changes» por examinar, esque omnicós es monstrat in li intentionat maniere.
• Si omnicós es rect, tu posse cliccar nu a «Conservar págine».
• Tui change es nu monstrat e tu posse continuar editer it.

Crear un articul

Si un cert articul ancor ne existe, tu posse crear it. Ma tu mey observar quelc important afferes: Esque li creation de un apart articul fa plu mult sense quam li inrichation de un existent articul? Esque li articul vermen ne existe, anc ne sub un altri e plu customal nómine? Esque li articul es relevant por li Wikipedia?

• Unesimli deve esser provat, esque ne ja existe un articul pri ti thema.
• Si ne, tu deve trovar un apt nómine del articul (lemma). La nómine deve esser clar e univoc.
• Si li relevantie por tui thema existe, du posse scrir li articul. In to on deve attenter special scri-manieres por li textual structuration e li referenties, queles es explicat in li secuent capitul.
• Scri in li bux «Resumé e fontes», quo es tractat in tui articul e queles es tui fontes.
• Clicca sur «Previder changes» e, si omnicos es rectmen monstrat, poy sur «Conservar págine».

Fontes

Omni tui assertiones in un articul deve esser sat bon pruvat! Tu posse indicar tui fontes o in li fin del articul in li sectiones «Litteratur» o «Web-referenties» o per ped-notas rectmen in li textu. Un ped-nota tu producte, si tu scri pos li assertion: <ref> Tui referentie al fonte </ref>. Ples ne obliviar inserter in li fin del articul sub li section «Singul referenties» li code <references />. Li systema collecte ta automaticmen omni ped-notas.

Jures de autores

It es important, que tu possede sempre li jures del textus, queles tu inserte! Violationes de jures del autor posse evenir per pur copiada e insertion, ma illi ne es acceptet ci e causa li deletion. Observa anc, que per li storation de textus tu consenti a nor regules de usa.

→ Plu al quadresim capitul