Basic principies modificar

Antequam tu commensa scrir in li Wikipedia, ples leer li secuent principies:

  • Scrir bon articules:
    • Scri in neutral e factual maniere. Descrí li factes e ne tui personal opinion. Evita pernder un politicmen, religiósmen o altrimen ne neutral vis-punctu.
    • Scri con justificationes: Indica, ex quel ovres tu ha haustet tui saventies, por que on posse verificar it.
    • Scri in comprensibil maniere, con fócus al letores: Esque plu o minu omni comprende tui declarationes? Esque alquó, quel tu opine relevant o ínrelevant, es anc por li letores relevant o ínrelevant?
    • Scri grammaticalmen correct: Scri in complet frases e atente, que li paroles sta in just grammatical relationes.
    • Scri self: Ples ne copiar textus ex li internet o ex altri articules del Interlingue-Wikipedia.
  • Li Wikipedia es solmen un encyclopedie – Li Wikipedia ne es un forum de discussion, ne es un dictionarium, ne es un platform de reclame e ne es un loc por self-presentation.
  • Amicalitá – Ples esser amical e apert contra li altris, queles con te collabora in li Wikipedia.

Preferibilmen tu fa tui unesim passus in li sand-scaf. Ti págine ha esset creat por experimentation. Ta tu posse libermen changear e experimentar.

→ Plu al duesim capitul