Willy Gilbert

Willy Gilbert nascet in 1912, Sr. Willy Gilbert, de Paris, adheret a Occidental, pos har studiat Esperanto durant quelc semanes. Il aprendet Occidental per corespondentie in curt témpor e, con Sr Thibault il creat strax un gruppe in Angers (M-et-L?). Ti gruppe vivet til li departe de Sr. Gilbert al armé. Ante li guerre, il traductet pluri libres, ex queles li Manifeste del partise comunistic de Karl Marx e Friedrich Engels. Il inviat egalmen quelc litt traductiones a Cosmoglotta, inter queles "Li consequenties de un maritage" e diversi proverbies.

Durante li guerre, il etablisset li contacte inter Svissia e li francesi coidealistes, pro que il vivet in Sud-Francia, i.e. in li zone neocupat del Germanes. Il tande preparat un grand cursu de Occidental in 28 leciones basat sur li conosset metode Assimil. Ti cursu esset signalat in Cosm. ma ne posset esser printat pro material impedimentes. Poy il compensat denov li propaganda in Sud-Francia desde 1942.

Pos har esset dessinator in li ferrovias, durante li guerre, il devenit "Contrôleur-adjoint d'entretien des Bâtiments" e esset inviat a Paris, ye ti ocasion. To permisset le reorganisar li "Association proletari interlinguistic" (API), strax pos li liberation de Paris, con solmen 2-3 camarades.

Tot devoet al afere del Lingue international, Sr. Gilbert redactet plu tard li bulletine Renascentie bulletine politic international por li difusion del lingue international Occidental.

Ti-ci article usa contenete del magazine Cosmoglotta, numeró Cosmoglotta A 135 (jan 1948)