Weinstadt
Weinstadt (quel significa "Cité de Vin"; Suabian: Waistadt) es un cité in li district de Rems-Murr, in li state de Baden-Württemberg, Germania. It es situat in li valley de Rems, circa 15 km ost de Stuttgart. Su population in 2012 esset 25.998.
Li cité consiste de quin districtes o Stadtteile quel antey esset cités e villages índependent. Ili es Beutelsbach, Endersbach, Großheppach, Strümpfelbach, e Schnait. Li quin cités esset unit pro formar li cité de Weinstadt in 1975. Hodíe, li cité es li sixesim max grand in Rems-Murr-Kreis.
Quam li nómine implica, Weinstadt es plu bon conosset pro su vinieras e production de vin. Li Remstalkellerei (Vinería del Valley de Rems), in li vicinitá de Beutelsbach de Weinstadt, es un cooperative possedet per li cultivatores local e es li decesim max grand vinería in Germania.
Inter 1958 e 1976, li Universitá de Stanford in California, Unit States, conservat un "campus transmarin" por studiantes de Stanford in Beutelsbach. Li campus al cime de un coline nu es li hotel e centre de conferentie de Landgut Burg.
Geografie
modificarLocs geografic
modificarLi límites del cité de Weinstadt extende se trans li fluvie Rems, quel flue tra li Valley de Rems (Remstal) ad-in li Bassine de Neckar. Li Rems flue ad-in li Neckar a Remseck am Neckar. Li Stadtteil Großheppach trova se in li nord del Rems, durant que li altri Stadtteile trova se in li sud. In li parte sudic del cité, li vinieras ascende li declives al márgine de Schurwald. Omni Stadtteile have vinieras; ili es li fonte del nómine "Weinstadt."
Cités e municipies vicin
modificarLi sequent cités e municipies adjace Weinstadt (listat in órdine horlogic ex li west): Kernen im Remstal; Waiblingen; Korb, un exclave de Waiblingen; Remshalden; e Winterbach (omnicós in Rems-Murr-Kreis); e Baltmannsweiler e Aichwald (in Landkreis Esslingen).
Composition del Stadtteile
modificarWeinstadt es composit del sequent Stadtteile (residentes li 31-im de marte 2010, notat in parenteses):
- Beutelsbach (8464)
- Endersbach (7351)
- Großheppach (4485)
- Schnait (3254)
- Strümpfelbach (2411)
Li frontieras de chascun Stadtteil seque exactmen li frontieras del cités o villages ante 1975.
In addition a ti Stadtteile, it existe anc alcun areas residential nominat, quel, in alcun casus, ne have límites oficial. Li village agricultural Schönbühl, li domene Burg, e li village Benzach apartene a Beutelsbach. Li village abandonat Wintzen apartene a Endersbach. Li Weiler Gundelsbach e li domene Wolfshof apartene a Großheppach. Li area municipal Baach e li domene Saffrichhof, e anc li village abandonat Mühlhöflein, apartene a Schnait.
Kleinheppach, quel es adjacent a Großheppach, es parte del municipie de Korb.
Developation e planification de usu de terre
modificarWeinstadt forma un centre comercial local por 50.000 residentes intra li area sub-metropolitan de Waiblingen/Fellbach e li area metropolitan de Stuttgart.
Historie
modificar |
 |
Weinstadt nascet quam parte de un reforme de district li 1-im de januar 1975, in quel li cités índependent de Beutelsbach, Endersbach, Großheppach e Schnait esset combinat. Strümpfelbach ha antey esset anexet per Endersbach li 1-im de januar 1973. Pro ti structura preterite, it existe nu quin centres citean intra Weinstadt. Li centres citean de Endersbach e Beutelsbach da li impression de cités índependent. Li municipie novmen creat de Weinstadt havet plu quam 20.000 residentes quande it esset fundat. Támen, it ne esset til 1978 que li administration aplicat por li statu de tal nominat "Große Kreisstadt". Li guvernament statal aprobat li aplication con un date de efecte del 1-im de januar 1979.
Li cités original esset old cités de Württemberg quel have un long historie.
Ante unir se pro formar li cité de Weinstadt in 1975, omni quin cités esset addit al novmen creat district de Rems-Murr quam parte de un reforme de district in 1973.
Religiones
modificarQuam resultate de apartener al Grafschaft e posteriorimen li Ducatu de Württemberg, li Reformation esset aportat a omni quin del nu-Stadtteile de Weinstadt. Durant secules li cités esset quasi exclusivmen protestant. Li quin parocias evangelic apartenet, secun li guvernament citean, al districtes eclesial respectiv del Oberamts de Waiblingen e Schorndorf sub li patronage del Eclesia Evangelic-Lutheran in Württemberg. Endersbach, Großheppach, e Strümpfelbach apartene al district eclesial de Waiblingen, durant que Beutelsbach e Schnait apartene al district eclesial de Schorndorf.
Pro li influte de catolicos de Bavaria durant li construction del ferrovia e specialmen pos li Duesum Guerre Mundial, districtes eclesial catolic e eclesias inradicat se in quo es nu Weinstadt. In 1956 li Eclesia de St. Anna esset constructet in Beutelsbach, e li Eclesia de St. Andrew esset constructet in Endersbach. In 1971 Schnait recivet su propri Eclesia del Sant Cruce, li membres de quel apartene al parocia de Beutelsbach. Poc poy in 1974, Großheppach anc recivet su propri eclesia catolic—li Eclesia de Santo Stephen. Li congregation del Eclesia de Santo Stephen, e anc li membres catolic de Strümpfelbach, apartene al parocia de Endersbach. Omni li eclesias catolic de Weinstadt apartene al Decanatu de Waiblingen del Diocese de Rottenburg-Stuttgart. Adplu li Eclesia Neoapóstolic e li Testimones de Jehovah anc es representat.
Crescentie del population
modificarLi valores in infra es o li resultates del censu (¹) o li statistica publicat oficial por li respectiv buró citean (solmen residentie principal).
|
|
|
¹ Resultates del Censu
Cultura e locs interessant
modificarEvenimentes cultural eveni principalmen in li diferent salas intra li límites citean: Halle Beutelsbach, Jahnhalle Endersbach, Prinz-Eugen-Halle Großheppach, Schnaiter Halle e Strümpfelbacher Halle. It existe anc li Alte Kelter in Strümpfelbach, quel anc posse esser usat por evenimentes.
In li colines vinicultural de Strümpfelbach it existe un viette de sculpturas. Duantnin sculpturas bronzin e petrin de tri generationes de artistes orna li viette tra li vinieras de Strümpfelbach: sculpturas bronzin de Professor Fritz Nuss e su filio Professor Karl Ulrich Nuss, e anc sculpturas petrin de Christoph Traub, li nepoto de Professor Fritz Nuss.
Li ovres petrin del amator-sculptor e vin-cultivator Ludwig Heeß de Schnait posse esser observat along un altri viette de sculpturas in li vinieras, li Skulpturen- und Weinlehrweg Schnait (viette de sculpturas e vin-decovriment). Inter ti ovres es li Weinpresse (vin-presse), Traubenwagen (carre de uves), Gölte, Ablässe, Weintisch (vin-table), Wengerterfrau (vinicultora), e Traubenzuber (cuve de uves).
Un plaquette in li sepultoria de Endersbach comemora li baptiste objector de conscientie Alfred Herbst, qui esset mortat in 1943 in Brandenburg-Görden.
Li punctu de vista Karlstein oferta un vista del colines vinicultural inter Endersbach e Strümpfelbach.
Muséos
modificar- Li muséo de historie local in Beutelsbach (Heimatmuseum Beutelsbach) in li old dom municipal alberga li exposition del rebellion de paisanes e li ost-german Heimastube (patria-chambre).
- E Endersbach e Strümpfelbach have lor propri muséo de historie local. Li muséo in Endersbach contene oleo-picturas e pastelle-dessines del pictor Karl Wilhelm Bauerle (alias Carl Bowerley) (1831–1912), qui nascet in Endersbach.
- Li Muséo de Nuss in Strümpfelbach e anc li sculptura-viette in Strümpfelbach, quel divaga inter li colines vinicultural.
- Li Muséo Silcher del Association Coral Suabian in Schnait, situat in li loc de nascentie del compositor Friedrich Silcher, presenta su vive e ovres.
Architectura
modificarLi max significativ edificie e simbol del cité es li Stiftskirche (eclesia colegial) in Beutelsbach, li anteyan loc de sepultura del Dom de Württemberg. Li eclesia actual esset constructet in li annu 1522, benque antey it hat existet un eclesia in ti loc.
Li eclesia parocial de Endersbach es un ex-eclesia fortificat tard-gotic. Li nabe esset constructet in 1468, li cora e li sacristia in 1491, e li turre in 1769. In 1730 li nabe esset redecorat in li stil baroc.
Li eclesia in Schnait es plu recent. It esset inicialmen constructet in 1748 quam un tal nominat Emporensaal (galerie-hall). Li eclesia parocial in Strümpfelbach es un structura tard-gotic con turre-coras, quel esset expandet in 1784. In Großheppach, li Schloss Großheppach (Castelle de Großheppach) de 1592 es precipue notabil. Desde circa 1900 it ha apartenet al familie von Gaisberg, e in 1749 it apartenet a un antecessor maternal de ti familie. Hodíe, it es un del poc castelles privat in Baden-Württemberg. Li Schloss Schnait (Castelle de Schnait) in Schnait es un preferet destination de excursion por les qui es interessat in doms con trellies lignin.
Evenimentes regulari
modificarLi mercate annual de vente e li mercate de recolte eveni in Beutelsbach, e Beutelsbach anc alberga un Weindorf (festa de village vinicultural), quel eveni circa li 1-im de may, e attrae visitatores de proxim e de lontan. In Endersbach, it existe un Fensterblümlesmarkt (mercate de flores de fenestre) li duesim mercurdí in may, un festa vinicultural e mercate de mercatores in septembre, e un mercate de Crist-nascentie in decembre. In Schnait it existe un Martinimarkt (mercate de Santo Martin) chascun annu, e in Großheppach it existe un Festa de 100 Vines in li Häckermühle in septembre. Li Kelterfest annual de tri dies eveni in Strümpfelbach. Li Nacht der Keller (Nocte del Céllares) es particularimen notabil. In ti eveniment, li diversi productores de vin presenta lor vin in céllares vultat in chascun parte de Weinstadt. Adplu, li Festa de Bacchus, quel li Stadtteil alterna se organisar, eveni chascun du o tri annus. In may e junio, vin-gustationes eveni in li vinieras de Großheppach (li fine-de-semane de Die de Matre) e in Endersbach.
Anc conosset in li region es li Beutelsbach Kirbe (festa de recolte) e Schnait Kirbe, queles eveni in octobre e august respectivmen.