Eclesie Catolic

Li Eclesie Catolic, quelcvez referete quam li Eclesie Catolic Roman, es li maxim grand eclesie cristian, con 1,3 billion persones in li munde in 2018. It es li maxim old e grand eclesie in li munde, e it havet un role prominente in li developation del civilisation occidental. Li eclesia es ductet del epíscop de Roma, conosset quam li Pápa. Su administration central es in li Sant Episcopia.

Fassade principal e cupol del Basilica de Sant Petro videt desde li Plazza de Sant Petro.

Li Eclesie Catolic es li un, sant, catolic e apóstolic fundat de Jesu Crist in su Grand Commission. Su episcopes es li successores del apóstoles de Crist e li Pápa es li successor de Petro, a qui li primatie esset donat de Jesu Crist. It practica li fide cristian original, quel esset dat per li sant tradition.

Li Eclesie Catolic ha influet li filosofie, cultura, art e scientie occidental. Li catolicos vive in omni partes del munde, ma desde li secul 20, li majoritá vive in li hemisfere sud, caus li secularisation de Europa e al persecution in Oriente Medie.

HistorieRedacter

Li religion cristian es fundat sur li enseniamentes de Jesu, qui vivet e predicat in li 1esim secul in li provincia de Judea del Imperie Roman. Li teologie catolic insenia que li Eclesie Catolic es li continuation de ti-ci temporan communité cristian instituet de Jesu Crist. Li cristianisme extendet se tra li Imperie Roman temporan, malgré li persecutiones pro conflictes con li religion statal pagan. Li Imperator Constantino legalisat li practica del cristianisme in 313, e it devenit li religion de statu in 380. Li invasores germanic del territorie roman in li 5esim e 6esim secules, mult de queles hat adoptet li cristianisme arian, finalmen adoptet li catolicisme por alliar se con li Papatu e li monasteres.

Medievie e RenascentieRedacter

Li Eclesie Catolic esset li influentie dominant sur li civilisation occidental ex li Antiquitá tard til li aurora del etá modern. It esset li unesim garante del stiles romanic, gotic, renascential e baroc in art, architectur e music.