Ulster

Ulster, irlandesi Ulaidh o Cúige Uladh, es un del quar historic provincias de Irland. Li provincia es situat in li nord del insul Irland. Li nómine Ulster origina significa un quinesim del Ulaidh. Li Ulaidhes esset historicmen un gruppe del celtic tribes in li nord de Irland.

Li flagga de Ulster

Desde 1922 six del nin comtias de Ulster es quam Nord-Irland un parte del Reyatu Unit e li altri tri comtias es un parte del índependent Republica Irland. Li nómine Ulster es hodie sovente suat quam sinonim por Nord-Irland.

Li tot territoria de Ulster have 2.105.666 habitantes (2011) e have un area de 21.552 quadrat-kilometre. Li max grand cité de Ulster es Belfast, quel es anc li cité capital de Nord-Irland.

Li comtias de Ulster

Li Comtia Antrim, li Comtia Armagh, li Comtia Down, li Comtia Fermanagh, li Comtia Londonderry e li Comtia Tyrone apartene quam Nord-Irland al Reyatu Unit.

Li Comtia Cavan, li Comtia Donegal e li Comtia Monaghan apartene al Republica Irland in li sud del insul Irland. Ma hodie li provincias de Irland ne have un plu un importantie por li administration del país.