Irlandesi
| Irlandesi Gaeilge | |||
|---|---|---|---|
| Parlat in: | Irland, Reyatu Unit | ||
| Area: | West-Europa | ||
| Parlatores: | 1,6 milliones quam duesim lingue | ||
| Familie: | Indo-Europan lingues Celtic lingues | ||
State oficial
| |||
| Lingue oficial de: | Irland, Europan Union | ||
| Regulat per: | Foras na Gaeilge | ||
Ciffras
| |||
| ISO 639-1: | ga | ||
| ISO 639-2: | gle | ||
| ISO 639-3: | gle | ||
Carte
| |||
 Extension in li munde
| |||
| Vide anc: Lingue – Liste de lingues | |||
Irlandesi (irlandesi: Gaeilge) es un celtic lingue parlat in Irland, Nord-Irland e Reyatu Unit. Desde li annu 2007 irlandesi es un del oficial lingues de Europan Union.
Irlandesi apartene al branche del Celtic lingues del Indo-Europan lingues. Juntmen con li scot-gaelic e manx irlandesi forma li gruppe del Goidelic lingues intra li Celtic lingues.
Irlandesi es scrit in li latin-alfabete con 18 lítteres. Irlandesi have un complicat sistema del changeamentes in li comense del paroles quam omni celtic lingues.
Situation del irlandesi hodie
modificarBenque irlandesi es li oficial lingue de Irland e desde li annu 2007 un del oficial lingues del Europan Union it es un lingue de un minoritá. Li maxim grand parte de irlandesi-parlatores usa li lingue solmen quam duesim-lingue. In li annu 2022 solmen 71.968 persones in Irland e 43.557 persones in Nord-Irland declarat que ili usa irlandesi chascun die.
In Irland irlandesi es instructet in li scola e 40 percentes del population 1,873,997 homes declarat que li save irlandesi, ma 472,887 homes dit que ili nequande ha parlat it e 551,993 persones que ili parla irlandesi solmen in li sistema de education.
In Irland li guvernament aconosse que in quelc regiones irlandesi es li predominant lingue. Ti regiones formes juntmen li region Gaeltacht. Li Gaeltacht esset format in li annu 1926.