Subuqti

Subuqti '
Autor: Vicente Costalago Land: Annu: 2022 Lingue: Interlingue

Subuqti es un raconta original scrit in Interlingue de Vicente Costalago e corectet de Dave MacLeod. It esset publicat in 2022.

Raconta

Li libre raconta li historie de Grigori, un marinero russ qui arriva a Subuqti in li nave Kitkorab, quel es directet del capitano Aleksey. Ta li capitano comanda prender li féminas e li infantes, e divide les inter le marineros. Quande Grigori vide que Aqarnaq, li filia del chef del Subuqti, have un tatuage in li péctor, il prende la e porta la a su chambre. Quande ambos es sol, il monstra la que il have li sam tatuage e il parla la in li lingue de Subuqti, nam il es parte del popul.

Pos reveni a Sant Petersburg, Grigori es criticat del alt societé, nam il es conosset de les e un fémina, Alyona Morozova, con su amica Kira Novikova, comensa extender rumores pri Aqarnaq, qui es portat a un judico pro ne esser baptisat in li eclesie ortodox. In ta moment, Grigori apari e rescata la, e poy prende li Kitkorab por reveni a Subuqti a viver con su marita e li infantes.

Personages principal

• Grigori: Marinero russ
• Aleksey: Capitano del nave Kitkorab.
• Olga: Marita de Aleksey
• Alyona Morozova: Fémina del alt societé russ. Marita de Alexei Novikov. Ella es inamorata de Grigori.
• Alexei Novikov: Major general del armé russ. Marito de Alyona Morozova.
• Kira Novikova: Fémina del alt societé russ. Amica de Alyona Morozova.
• Dimitri Mazarov: Major general del armé russ. Marito de Kira Novikova.
• Vladislav Fedorov: Amico de Alyona Morozova, qui esset inamorat de ella quande ambos esset yun.
• Taisiya Smirnova: Amica de Kira Novikova.

Lingue

Por ti-ci libre, li autor creat un lingue, li lingue subuqti (subuqtivad). Il fundat se in li lingues estonian, finn e li divers dialectes del inuktitut.

Pronunciation

Li lítteres es pronunciat quam in Occidental, excepte li C quel es pronunciat quam CH, e li Q, quel es pronunciat quam K.

Pronómines personal

person	singular	plural
1	mi	min
2	si	sin
3	hi	hin

Verbes

• Li infinitive e li present es li mem
• Passat – nga + infinitive
• Futur – qugu + infinitive
• Conditional – ahu + infinitive
• Participie passat - tav + infinitive
• Gerundie – vi + infinitive
• Imperativ - gu + infinitive

Númeres

• 1 atausiq
• 2 malruq
• 3 pingajun
• 4 cetaman
• 5 taliman
• 6 arvin
• 7 malrun
• 8 pingajun
• 9 qulgun
• 10 qula
• 11 qula-atausiq

• 20 malruk-qula
• 21 malruk-qula-atausiq
• 30 pingajun- qula
• 40 cetaman-qula
• 50 taliman-qula
• 60 arvin-qula
• 70 malrun-qula
• 80 pingajun-qula
• 90 qulgun-qula
• 100 qula-qula

Influenties

Li raconta have quelc influenties de Anna Karenina, de Tolstoi, in li descriptiones del alt societé russ e del vestimentes queles ili usa.

Bibliografie

• Costalago, Vicente (2022) Subuqti, Lulu.com.