Srebrenica

Srebrenica (german: Silberin) es un cité in Bosnia e Herzegovina e li loco del max grand crimine in li Guerre Intern de Bosnia e Herzegovina in li annu 1995. Li cité es situat in li ost de Bosnia e Herzegovina al frontiera con Serbia e hodie Srebrenica apartene al Republika Srpska.

Hodie Srebrenica have quam consequentie del Guerre Intern de Bosnia e Herzegovina solmen 15.242 (2013) habitantes. In li annu 1991 ante li guerre it esset ancor 36.666 habitantes.

Srebrenica esset mentionat por li unesim vez in li annu 1376 in un historic documente. It esset un centre de miniera. In li fine del 19-im secul Srebrenica developat se in un cité balneari pro su special mineral aqua. Mult hoteles e instutiones de cura esset constructet.

Srebrenica in li Guerre Intern inter 1992 e 1995

In li Guerre Intern de Bosnia e Herzegovina li cité esset assediat del armé del Republika Srpska inter 1992 e 1995. In li annu 1993 li Organisation del Unit Nationes declarat Srebrenica quam zone de protection del Organisation del Unit Nationes. Malgré to li armé del Republika Srpska conquestat Srebrenica in li julí 1995. In li Massacre de Srebrenica omni mascul bosniakes esset mortat. Circa 8.000 mannes inter 13 e 78 annus esset fusilat e li féminas e infantes esset expellat. Li International Tribunale de Den Haag egarda ti massacre quam un genocide.