Socialdemocrates de Montenegro
Li Socialdemocrates de Montenegro (montenegrian: Socialdemokrate Crne Gore) es un political partise de Montenegro. It esset fundat de ex-membres del Socialdemocratic Partise de Montenegro li 31-im de julí 2015. Li fundator e presidente del partise es Ivan Brajović.
General Information modificar
- Fundation: 31-im de julí 2015
- Sede: Podgorica
- Nómine: Socialdemcrates de Montenegro (Socialdemokrate Crne Gore)
- Political direction: socialdemocratic
- Presidente: Ivan Brajović
- General-Secretario:
- Vice-Presidentes: Mićo Orlandić, Vujica Lazović e Damir Šehović
- Membres in li national parlament: 2
- Membres in li guvernament: 2
Historie modificar
Li partise Socialdemocrates de Montenegro essset fundat li 31-im julí 2015 de Ivan Brajović. Ivan Brajović esset vice-presidente del Socialdemocratic Partise de Montenegro e il candidat sin successe por li oficie de ti partise contra Ranko Krivokapić. Ivan Brajović forlassat pos su defete li Socialdemocratic Partise de Montenegro e fundat li partise Socialdemocrates de Montenegro. Ivan Brajović e altris esset contra li decision de Ranko Krivokapić abandonar li coalition con li Democratic Partise de Socialistes.
Pos su fundation li Socialdemocrates de Montenegro ineat in un coalition con li Democratic Partise de Socialistes e substituet li Socialdemocratic Partise de Montenegro in li coalition. Ivan Brajović quam ministre por trafic e Vujica Lazović quam ministre por li telecomuncation e li societé de information es membres del guvernament e con Mićo Orlandić e Damir Šehović li Socialdemocrates de Montenegro have du membres in li national parlament.
Li unesim congress del partise evenit li 31-im de januar 2016 e Ivan Brajović esset electet quam presidente del Socialdemocrates de Montenegro.
In li local electiones de Tivat li 17-im de april 2016 li Socialdemocrates de Montenegro candidat por li unesim vez e devenit duesim max grand partise in li consilie municipal con quar mandates e 10,4 percentes.
In li parlamentari electiones 2016 li Socialdemocrates de Montenegro recevit 3,26 percentes e ganiat 2 mandates.