Ivan Brajović

Ivan Brajović es un politico de Montenegro. Il nascet li 9-im de marte 1962 in Podgorica e es li ministre por trafic e maritim aferes in li guvernament de Montenegro. Brajović esset vice presidente del Socialdemocratic Partise de Montenegro. In li 2015 il fundat li partise Socialdemocrates de Montenegro e es li presidente de ti partise e desde li 24-im de novembre 2016 il es li presidente del parlament de Montenegro.

Personal e professional vive

Ivan Brajović studiat al facultá de construction del universitá Podgorica specialisat in trafic.

Ivan Brajović es maritat con Dragana Brajović e li cuple have du filias Maša e Dunja e un filio Tom.

2001 Ivan Brajović es electet quam vice-presidente del Socialdemocratic Partise de Montenegro.
2002 Ivan Brajović esset electet quam membre del parlament por li Socialdemocratic Partise de Montenegro.
2006 Ivan Brajović esset reelectet quam membre del parlament por li Socialdemocratic Partise de Montenegro.
2009-2010 Il devenit ministre por interni aferes e public administration li 29-im de marte 2009.
2012 Ivan Brajović devenit ministre por trafic e maritim aferes in li guvernament de Milo Đukanović.
2015 Ivan Brajović candidatat sin successe por li oficie del presidente del Socialdemocratic Partise de Montenegro contra Ranko Krivokapić. Pos ti defete il fundat li partise Socialdemocrates de Montenegro e esset electet presidente de ti partise.
2016 Brajović es denov electet in li parlament e es electet li 24-im de novembre 2016 quam presidente del parlament de Montenegro.