Semiconductor

Un semiconductor es un materiale que have un conductivitá electric inter que de un conductor, quam cupre, e un isolator, quam vitre. Semiconductores es li fundation de electronica moderne. Materiales semiconductent existe in du tipes - materiales elemental e materiales composit.[1] Li saventie modern del proprietas de semiconductores usa mecanica quantic por explicar li movement del electrones e fores in un retage cristallin. Li unic arangeament del retage cristallin fa silicium e germanium li max comunmen usat elementes in li preparation de materiales semiconductent. Un crescent scientie de materiales e operationes fabricational de semiconductores ha fat possibil continuant ameliorationes in li complexitá e rapiditá de microprocessores e componentes memoric.

Cristalles de silicium es li max comun materiales semiconductent usat in microelectronica e fotovoltaica.

Li conductivitá electric de un semiconductor cresce con alt temperatura, que es un conduida contrari de un metalle. Componentes semiconductoral posse monstrar un extension de proprietas util, quam passar currente electric plu facilmen in un direction quam lu altri, monstrar variabil resistentie, e sensitivitá a lumine o calore. Por que li proprietás electric de un materiale semiconductent posse esser modificar per controlat addition de ínpuritás, o per li aplication de un campe electric o lumine, componentes fat de semiconductores posse esser usat por amplification, comutation, e conversion energic.

Conduction de currente in un semiconductor ocurre per li movement de liber electrones e "fores", colectivmen savet quam portatores chargeal. Addir impuritas atomic a un materiale semiconductent, savet quam "dopante", grandmen acresce li numere de portatores de charge intern it. Quande un dopat semiconductor contene chefmen fores liber, it es nominat "p-tip", e quande it contene chefmen electrones liber, it es savet quam "n-tip". Li materiales semiconductent usat per componentes electronic es dopat secun conditiones precis por controlar li concentration e regiones de p- e n-tip de dopantes. Un singul cristalle de un semiconductor posse have multi p- e n-tip regiones; li p–n juntiones inter ti regiones es responsibil por li util conduida electronic .

Vide ancRedacter

ReferentiesRedacter

  1. "Semiconductor Physics and Devices." Elizabeth A. Jones.