Partise del Democratic Activitá
Li Partise del Democratic Activitá (bosnian: Stranka demokratske aktivnost) es un conservativ-islamic national-bosniak political partise in Bosnia e Herzegovina. Li partise esset fundat li 4-im de februar 2008 in Cazin pos un schisma in li Partise del Demorcratic Action. Li Partise del Democratic Activitá esset fundat del regional functionarios del Partise del Democratic Action Nermin Ogrešević. Li membres del partise esset ante omnicos Bosniakes. Li partise es acurtat A-SDA.
Li centre de gravitation de ti partise es li region circum Cazin u li partise anc have su centrale. In li parlamentari electiones 2014 li ASDA ganiat du sedes in li Dom del Representantes del parlament del Federation Bosnia e Herzegovina.
- Fundation: 4-im de februar 2008 in Cazin
- Sede del partise: Cazin
- Political direction: bosniak-nationalist, conservativ-islamic, regional partise de region Cazin
- Presidente: Nermin Ogrešević desde li fundation del partise 2008
- Vice-presidente: Refik Kurgaš
- General-sekretario: Admir Hadžipašić
- Reprensentantes in li national parlament: null .
- Representantes in li parlament del Federation Bosnia e Herzegovina: Dom del Representantes del Federation Bosnia e Herzegovina 2 con 2,25 percentes e 22.334 votes. Dom del Nationes del parlament del Federation Bosnia-Herzegovina 1.
- Representantes in li cantones del Federation Bosnia e Herzegovina: 6 membres in li parlament del Una-Sana Canton e 2 representanes in li Zenica-Doboj Canton
Presidentes del partise modificar
- 2008-2013 Izet Hadžić
- 2013- Nermin Ogrešević
Historie modificar
Li partise esset fundat de regional functionarios del Partise del Democratic Action in li region circum Cazin in li februar 2008. Nermin Ogrešević esset chef del organisation del Partise del Democratic Action in Cazin e Admir Hadžipašić presidente del parlament del Canton Una-Sana por li Partise del Democratic Action. Ambi functionarios esset excludet ex li Partise del Democratic Action in li annu 2008.
Li Partise del Democratic Activitá assertet que li Partise del Democration Action ha abandonat su ideales. Li fundatores del partise esset critic contra li presidente del Partise del Democration Sulejman Tihić.
Li Partise del Democratic Activitá es un regional nationalist partise de bosniakes. Li presidente del partise Nermin Ogrešević esset electet in annu 2012 borgomastro de Cazin.
Por li electiones 2010 li partise havet con Đemal Latić un candidate por li Statal Presidentura de Bosnia e Herzegovina. Il recivet 8738 votes e 1,87 percentes.
In li parlamentari electiones 2014 li ASDA ganiatpor li mandates in li parlament del Federation Bosnia-Herzezgovina. Li partise recivet 2,25 percentes e to significat du sedes in li Dom del Representantes del parlament del Federation Bosnia e Herzegovina. It es pos li electiones 2014 anc representat in li parlament del Una-Sana Canton (six mandates) e in li Canton Zenica-Tuzla (du mandates). It anc have un representante in Dom del Nationes del parlament de Federation Bosnia e Herzegovina.