Oktoberfest

Li Oktoberfest (festa de octobre o octobre-festa) es li max grand festa populari del munde. In li bavarian dialecte del german li festa nomina Wiesn (Prate). It es celebrat desde li annu 1810 in li capital de Bavaria München (Germania).

Li Oktoberfest in li annu 2007

In li annu 1810 it esset celebrat pro li maritage del bavarian coron-prince Ludwig con princessa Therese. It dura du semanes in li fine del septembre til li comense de octobre.

Hodie visita plu quam six milliones homes li Oktoberfest chascun annu. It eveni sur li "Theresienwiese" (Prate de Theresie). Tradicionalmen li chef-borgomastro de München inaugura li octobre-festa per aperter li unesim baril de bir.