Nov Munde

Li terme "Nov Munde" es usat por descrir li majorité de terras del Hemisfere Occidental del Terra, particularmen America. Li terme ganat prominentie in li prim 16-im secul durant li Era de Decovritiones de Europa, post que li italian explorator Amerigo Vespucci publicat li pamflette in latin, Mundus Novus, presentante su conclusion que ti terras, eventualmen nominat America basat sur li nómine de Amerigo, constitui un nov continente.

Land-carte del Nov Munde fat de Sebastian Münster.

Ti realisation expandet li horizonte geografic de anteyan geograficos europee, qui havet pensat que li munde includet solmen terras afro-eurasiatic. Africa, Asia e Europa devenit colectivmen nominat li "Vetera Munde" del Hemisfere Oriental, dum America esset referit quam "li quatri parte del munde", o li "Nov Munde".

Antarctic e Oceania ne es considerat ni terras del Old Munde ni del Nov Munde, nam ili esset solmen colonisat per europanes mult plu tard. Ili esset in vice asociat con li Terra Australis, quel havet esset posit quam un hipotetic continente meridional.