Nermin Nikšić
Nermin Nikšić es un politico de Bosnia e Herzegovina. Il nascet li 27-im de decembre 1960 in Konjic (Bosnia e Herzegovina) e es desde li 7-im decembre de 2014 presidente del Socialdemocratic Partise de Bosnia e Herzegovina/SDP BiH. Nermin Nikšić esset inter li 17-im de marte 2011 e li 1-im de april 2015 li prim-ministre del Federation Bosnia e Herzegovina.
.jpg)
Personal e professional vive
modificarPos har finit li scola in Konjic Nikšić studiat jurisprudentie in Mostar. Il finit su studie in li annu 1986 e laborat in li administration del cité de Konjic. Inter 1990 e 1992 il esset li chef del inspectoratu del cité Konjic. In partiprendet in li Guerre Intern de Bosnia e Herzegovina in li armé de Bosnia e Herzegovina. Inter 1995 e 1998 Nikšić esset vice-presidente del executiv-comité del municipie Konjic e inter 1998 e 2000 secretario del general administration, logiament e comunal servicies.
Secun nationalitá Nermin Nikšić es bosniak. Nermin Nikšić es maritat con Nadija Nikšić e li cuple have un filia Najra e un filio Haris.
Political cariera
modificar- 1993 Nermin Nikšić devenit un membre del Socialdemocratic Partise de Bosnia e Herzegovina/SDP BiH
- 1994-2004 Nermin Nikšić esset presidente del Socialdemocratic Partise de Bosnia e Herzegovina/SDP BiH in Konjic.
- 2000 Nikšić esset vice-borgomastro de del municipie Konjic.
- 2004 Nikšić esset electet quam presidente del Socialdemocratic Partise de Bosnia e Herzegovina in li Canton Herzegovina-Neretva.
- 2000-2007 Nikšić esset membre del parlament del Federation Bosnia e Herzegovina.
- 2007-2014 General-secretario del Socialdemocratic Partise de Bosnia e Herzegovina.
- 2010 Nikšić es denov electet quam membre del parlament del Federation Bosnia e Herzegovina.
- 2011-2015 Nikšić esset inter li 17-im de marte 2011 e li 1-im de april 2015 li prim-ministre del Federation Bosnia e Herzegovina.
- 2014 Il esset electet quam presidente del Socialdemocratic Partise de Bosnia e Herzegovina.