Navacerrada

Navacerrada es un municipie situat in li Comunité de Madrid, Hispania. It have un population de 3,282 inhabitantes.

Navacerrada

Land	Hispania
Comunité autonom	Comunité de Madrid
Provincia	Provincia de Madrid
Area	27,29 km²
Habitantes	3091
Densitá	106,05/km2

Toponimie

Li nomine del municipie vell proceder del voce "Nava", término ja documentat in li secul VIII e con quel it esset denominat un terrene plani con pasturage, situat generalmen inter montanias. "Cerrada" vell far referentie a to quel posset har existet por impedir que li boves escapa.

Historie

Li orígine del municipie es situat in un enclave quel emerset del usation de un litt depression quel esset repopulat per bovores segovian in li epoca posterior al Reconquesta. In ti témpore, li madridanes e li segovianes comensat un disputa quel vell durar plu de tri secules pri li possession del terres del Sierra de Guadarrama.

Alfonso X li Sagi provat trovar li pace per prender in possession quelc municipies del region, includente Navacerrada, e uniente les su li nómine de El Real de Manzanares. El Real y Condado de Manzanares esset format per un villa (Manzanares el Real), e 19 locos plu, inter queles emerse li nómine de Navacerrada. Ma li disputas continuat til 1436, quande li terres esset dat al Marques de Santillana, del familie Mendoza, con li titul de contat.

Proxim a Navacerrada it havet un portu de montania (quel hodie es li Portu de Navacerrada), quel dividet li provincias de Madrid e de Segovia. In li secul XIII, it esset conosset quam Puerto de Mançanaresantes. In it trovat se solmen un litt albergo medieval al habitantes de quel Alfonso X concedet privilegies e extensiones de beneficies in exchange de gardar un pass de quel li grand altitá, de 1900 m, e li grand persistentie del neve in su declives descorageat li viageatores a traversar it. Ti-ci portu comensat a esser nominat Puerto de Navacerrada' in li secul XVI, pro li proximitá del municipie. Ma in li sam secul, li pass esset abandonat.

Li population durante li secules XVI, XVII e XVIII esset simil a to de altri municipies de El Real de Manzanares. In li secul XVII evenit un descense del population quel ne esset recuperat til li finales del secul XX. Malgré to, in li secul XVIII evenit un litt recuperation mersí al ovres public fat per li reyes del epoca, quel ameliorat li possibilitás de subsistentie. In 1635, Felipe V concedet al municipie li titul de Villa.

In li comense del secul XIX, it havet 120 habitantes. Al finales del secul, it havet 302. Su forma de vive esset li agricultura, li pecude e li forest-cultura. It anc havet un industrie de productes lactic. In ti-ci secul esset creat li unesim industrie in li Valley de la Barranca, li Neveríe (fabrication de glacie quel poy vell esser transportat a Madrid).

In li secul XX evenit li principal developation de Navacerrada. In 1904, on comensat skiar in li Sierra de Guadarrama, e emerset li unesim edificies relatet con ti-ci activitás.

Li ferrovia de Cercedilla al Portu de Navacerra comensat esser constructet e inaugurat in 1917. In ti-ci epoca esset constructet li Sanatoria Royal de Guadarrama. E, in ti-ci annus 20 esset conosset li unesim datas de population del secul, arrivante in 1921 a 234 habitantes.

Pos li Guerre Civil, Navacerrada comensat su consolidation quam municipie por vader in estive, e aparit li unesim colonies circum li cité. Li population consolidat e augmentat til arrivar a millenes de persones, specialmen in hiverne (periode de ski), quam anc in li reste del periodes de vacanties.

Geografie

La Maliciosa in hiverne, videt desde li sude.

Li municipie es situat a 52 km de Madrid e it have un superficie de 27,29 km². It es part del Via de Santiago de Madrid.

It es situat in li Sierra de Guadarrama, in li intrata del Valley de la Barranca e circumat de montanias. In li proximitá it have li reservuore de Navacerrada, li Dehesa de la Golondrina (Pastura del Hirunde), li montania La Maliciosa e li Bola del Mundo, e li Portu de Navacerrada.

Li 90% del territoria del municipie es protectet.

Clima

Parámetros climáticos promedio de Puerto de Navacerrada
Mes	Jan.	Feb.	Mar.	Apr.	May.	Jun.	Jul.	Aug.	Sep.	Oct.	Nov.	Dec.	Anual
Temp. máx. abs. (°C)	16.2	16.8	18.6	22.6	25.4	32.0	30.8	31.8	30.8	23.4	20.0	17.0	32.0
Temp. máx. media (°C)	2.0	2.5	4.7	5.7	10.2	16.3	21.2	21.2	16.6	9.8	5.4	3.2	9.9
Temp. media (°C)	-0.6	-0.2	1.5	2.5	6.5	11.9	16.2	16.3	12.4	6.7	2.8	0.7	6.4
Temp. mín. media (°C)	-3.1	-2.9	-1.7	-0.8	2.8	7.5	11.3	11.3	8.2	3.6	0.2	-1.7	2.9
Temp. mín. abs. (°C)	-18.2	-18.6	-14.7	-11.0	-8.0	-3.4	0.0	0.2	-3.0	-7.6	-11.8	-20.3	-20.3
Precipitación total (mm)	141	116	92	138	142	71	33	24	63	143	186	176	1326
Días de precipitaciones (≥ 1 mm)	12	11	10	13	13	8	4	3	7	11	12	13	118
Días de nevadas (≥ 1 cm)	13	12	11	13	5	1	0	0	1	3	8	11	78
Horas de sol	108	107	159	160	209	275	339	323	212	146	108	93	2238
Humedad relativa (%)	82	83	78	81	76	66	54	54	65	81	83	83	74
Fuente n.º 1: Agencia Estatal de Meteorología (1971-2000)
Fuente n.º 2: Agencia Estatal de Meteorología (valores extremos) (1946-2012)

Economie

Li economie depende mult del skieríe de Navacerrada e del turisme de natura.

Transporte

• Bus
  • 690: Guadarrama - Collado Mediano - Navacerrada
  • 691: Madrid (Moncloa) - Becerril de la Sierra - Navacerrada - Valdesquí
  • 696: Collado Villalba (hospital) - Navacerrada
• Tren
  • Navacerrada have un station de tren del linea C-9 de Cercanías Madrid. Ti-ci linea conexe Navacerrada con Cotos e Cercedilla.

Patrimonie

Dom municipal de Navacerrada.

• Eclesia del Nativitá de Nor Seniora de Navacerrada
• Li Eremite de Sant Antonio
• Li Fonte de Sant Antonio es un fonte in usation desde mult secules, con un inpalissada rey projectet in li decade de 1950.
• Li Plazza del Ángeles, u on trova li dom municipal, e li Fonte del Ángeles.

Festas

Navacerrada have du festas principal con grand tradition inter li habitantes del municipie: Sant Antonio de Padova (13 junio) e Nor Seniora del Nativitá (8 de septembre).

• Li festas de Sant Antonio de Padova es li die de commemoration del patrono de Navacerrada. Li habitantes del municipies dejunea rosquillas con anís, on ea in procession al Eremitage de Sant Antonio, situat in li Dehesa de la Golondrina (Pastura del Hirunde).
• Li festas de Nor Seniora del Nativitá eveni li 8 de septembre, con eventes quam bullfighting, competitiones sportiv, musica, pasacalles e actes religiosi.

Ligamentes extern

• Ayuntamiento de Navacerrada

Municipies del Comunité de Madrid

Ajalvir · Alameda del Valle · Alcalá de Henares · Alcobendas · Alcorcón · Aldea del Fresno · Algete · Alpedrete · Ambite · Anchuelo · Aranjuez · Arganda del Rey · Arroyomolinos · Batres · Becerril de la Sierra · Belmonte de Tajo · Berzosa del Lozoya · Boadilla del Monte · Braojos de la Sierra · Brea de Tajo · Brunete · Buitrago del Lozoya · Bustarviejo · Cabanillas de la Sierra · Cadalso de los Vidrios · Camarma de Esteruelas · Campo Real · Canencia · Carabaña · Casarrubuelos · Cenicientos · Cercedilla · Cervera de Buitrago · Chapinería · Chinchón · Ciempozuelos · Cobeña · Collado Mediano · Collado Villalba · Colmenar Viejo · Colmenar de Oreja · Colmenar del Arroyo · Colmenarejo · Corpa · Coslada · Cubas de la Sagra · Daganzo de Arriba · El Atazar · El Berrueco · El Boalo · El Escorial · El Molar · El Vellón · El Álamo · Estremera · Fresnedillas de la Oliva · Fresno de Torote · Fuenlabrada · Fuente el Saz de Jarama · Fuentidueña de Tajo · Galapagar · Garganta de los Montes · Gargantilla del Lozoya y Pinilla de Buitrago · Gascones · Getafe · Griñón · Guadalix de la Sierra · Guadarrama · Horcajo de la Sierra-Aoslos · Horcajuelo de la Sierra · Hoyo de Manzanares · Humanes de Madrid · La Acebeda · La Cabrera · La Hiruela · La Serna del Monte · Las Rozas de Madrid · Leganés · Loeches · Los Molinos · Los Santos de la Humosa · Lozoya · Lozoyuela-Navas-Sieteiglesias · Madarcos · Madrid · Majadahonda · Manzanares el Real · Meco · Mejorada del Campo · Miraflores de la Sierra · Montejo de la Sierra · Moraleja de Enmedio · Moralzarzal · Morata de Tajuña · Móstoles · Navacerrada · Navalafuente · Navalagamella · Navalcarnero · Navarredonda y San Mamés · Navas del Rey · Nuevo Baztán · Olmeda de las Fuentes · Orusco de Tajuña · Paracuellos de Jarama · Parla · Patones · Pedrezuela · Pelayos de la Presa · Perales de Tajuña · Pezuela de las Torres · Pinilla del Valle · Pinto · Piñuécar-Gandullas · Pozuelo de Alarcón · Pozuelo del Rey · Prádena del Rincón · Puebla de la Sierra · Puentes Viejas · Quijorna · Rascafría · Redueña · Ribatejada · Rivas-Vaciamadrid · Robledillo de la Jara · Robledo de Chavela · Robregordo · Rozas de Puerto Real · San Agustín del Guadalix · San Fernando de Henares · San Lorenzo de El Escorial · San Martín de Valdeiglesias · San Martín de la Vega · San Sebastián de los Reyes · Santa María de la Alameda · Santorcaz · Serranillos del Valle · Sevilla la Nueva · Somosierra · Soto del Real · Talamanca de Jarama · Tielmes · Titulcia · Torrejón de Ardoz · Torrejón de Velasco · Torrejón de la Calzada · Torrelaguna · Torrelodones · Torremocha de Jarama · Torres de la Alameda · Valdaracete · Valdeavero · Valdelaguna · Valdemanco · Valdemaqueda · Valdemorillo · Valdemoro · Valdeolmos-Alalpardo · Valdepiélagos · Valdetorres de Jarama · Valdilecha · Valverde de Alcalá · Velilla de San Antonio · Venturada · Villa del Prado · Villaconejos · Villalbilla · Villamanrique de Tajo · Villamanta · Villamantilla · Villanueva de Perales · Villanueva de la Cañada · Villanueva del Pardillo · Villar del Olmo · Villarejo de Salvanés · Villaviciosa de Odón · Villavieja del Lozoya · Zarzalejo