Michael D. Higgins

Michael D. Higgins (irlandesi: Micheál D. Ó hUiginn) es un politico de Irland. Il nascet li 18-im de april 1941 in Limerick e es desde li 11-im novembre de 2011 li 9-im presidente de Irland. Il es un membre del Irlandes Labor Partise. Quam presidente il visitat quam unesim foren state li Reyatu Unit.

Micheal D. Higgins in li annu 2006

Personal vive

Michael D. Higgins es activ quam poet, autor e sociologo. Il studiat in Galway, Manchester (Reyatu Unit) e Bloomingtion (Indiana). Il laborat in li universitá de Galway in li departement de political scienties e sociologie.

Il es maritat con Sabina Coyne e li cuple have tri filios e un filia. Il fluentmen parla anglesi e irlandesi.

Political cariera

• 1968 Michael D. Higgins devenit un membre del Irlandes Labor Partise.
• 1973-1977 Higgins esset un membre del Irlandes Senat.
• 1981-1982 Membre in li Dom del Representantes de Irland.
• 1981-1982 Borgomastro de Galway.
• 1983-1987 Denov membre del Irlandes Senat.
• 1987-2011 Membre in li Dom del Representantes de Irland.
• 1990-1991 Borgomastro de Galway.
• 1993-1997 Ministre por Arte, Cultura e li Gaeltacht.
• 2011 Higgins es electet quam presidente de Irland.