Marinika Tepić
Marinika Tepić (serb: Мариника Тепић), nascet quam Marinika Čobanu, es un féminin politico de Serbia. Ella nascet li 8-im de august 1974 in Pančevo e ella es li vice-presidente del liberal partise Partise de Libertá e Justicie. Marinika Tepić es li prim-candidate del opositional alliantie Unit Serbia in li electiones parlamentari 2022 in Serbia.
| Marinika Tepić | |
|---|---|
 | |
| Land |  Serbia
|
| Nascentie | 8-im de august 1974 in Pančevo |
| Ocupation | Politico |
Personal e professional vive
modificarMarinika Tepić es del romanian orígine. Ella studiat anglesi e romanian al universitetá de Beograd. Marinika Tepić laborat quam instructora por anglesi in un scola in Pančevo. Inter 1997 e 2009 ella laborat quam jurnalist inter altri por li jurnal Danas. Tepić anc esset activista por homal yures.
Marinika Tepić es maritat con Milan Tepić e li cuple have du infantes.
Political cariera
modificar- 2008-2017 Membre del Liga del socialdemocrates de Vojvodina.
- 2012-2016 Marinika Tepić esset secretario por sport e yunesse in li guvernament del provincia Vojvodina.
- 2016-2020 Marinika Tepić esset membre del parlament de Serbia.
- 2017-2018 Membre del Nova Stranka.
- 2019 Marinika Tepić devenit membre del Partise de Libertá e Justicie de Dragan Djilas e devenit vice-presidente de ti partise.
- 2022 Marinika Tepić esset li prim-candidate del liste del oposition Unit por li victoria de Serbia.