Dragan Djilas

Dragan Djilas es un politico de Serbia. Il nascet li 22-im de februar 1967 in Beograd e esset borgomastro de Beograd inter 2008 e 2013. Dragan Djilas esset presidente del Democratic Partise inter 2012 e 2014. In li annu 2019 il fundat li Partise de Libertá e Justicie e devenit li presidente de ti partise.

Personal e professional vive

Dragan Djilas studiat mecanic ingeniero in Beograd. Poy Djilas laborat quam jurnalist in li radio-stationes Radio Index e Radio B92. Djilas esset inter li fundatores del Radio B92. Il activmen combattet contra li nationalist regime de Slobodan Milošević.

Dragan Djilas es activmen in li comercie de medies. Il es un del propritatarios del medie firma Direct Media.

Inter 2011 e 2016 Dragan Djilas esset li president del Serb Federation de Basketball.

Dragan Djilas esset duvez maritat. Ambi maritage esset divorciat. Inter 1994 e 2007 il esset maritat con Milica Delević e inter 2009 e 2013 con Iva Pelević. Dragan Djilas have tri filias e un filio.

Political cariera

2004-2016 Dragan Djilas esset membre del Democratic Partise .
2004-2007 Director del popul cancellaria oficia del presidente Boris Tadić.
2007-2008 Ministre sen function in li guvernament de Vojislav Koštunica responsabil por li national plan de investitiones.
2008-2013 Borgomastro de Beograd.
2012-2014 Presidente del Democratic Partise.
2018 Dragen Djilas candidat por un alliantie de oposition in li electiones al consilie municipal de Beograd. Ex ti liste li nov alliantie del partises de oposition Alliantie por Serbia esset fundat.
2019 Dragan Djilas fundat li il fundat li Partise de Libertá e Justicie e devenit li presidente de ti partise.

Hodie Dragan Djilas es li principal adversario del presidente de Serbia Aleksandar Vučić.