Laimdota Straujuma

Laimdota Straujuma es un féminin politico de Latvia. Ella nascet li 24-im de februar 1951 e esset inter li 22-im de januar 2014 e li 7-im de decembre 2015 li prim-ministre de Latvia por li political partise Vienotība (Unitá).

Personal e professional vive

Laimdota Straujuma finit li scole in Tilža in li annu 1968. Inter 1968 e 1973 ella studiat fisica e matematica in li universitá de Riga. Tande ella studiat economie in li Latvian Academie del Scienties. Ella specialisat se pri agricultura. Inter 1973 e 1988 ella anc laborat in Latvian Academie del Scienties.

Political cariera

1998-2011 Membre in li Tautas Partija.
2000-2006 Stat-secretario in li ministre por agricultura.
2007-2010 Stat-secretario in li ministre por regional developament e local guvernament.
2011-2014 Ministre por agricultura.
2014 Ella devenit li 22-im de januar 2014 quam unesim fémina prim-ministre de Latvia quam successor de Valdis Dombrovskis e ella devenit un membre del partise Vienotība (Unitá).
2015 Straujuma demissionat pos un interni conflicte in li coalition del guvernament li 7-im de decembre 2015.