Labore Partise de Bosnia e Herzegovina
Li Labore Partise de Bosnia e Herzegovina (serb-croat-bosnian: Laburistička stranka Bosne i Hercegovine) es un levul political partise in Bosnia e Herzegovina. It esset fundat li 28-im de decembre 2013 in Velika Kladuša del membre del parlament del Federation Bosnia e Herzegovina in li Dom del Nationes Elvira Abdić-Jelenović. Li partise es in prim activ in li Canton Una-Sana del Federation Bosnia e Herzegovina.
- Fundation: 28-im de decembre 2013 in Velika Kladuša
- Political direction: levul-socialist (secun li self-definition del partise), regional partise
- Presidente: Elvira Abdić-Jelenović desde 2013
- Sede del partise: Velika Kladuša
- National orientation: multinational, ma li partise es in prim representa croat e bosniakes in li Canton Una-Sana.
- Reprensentantes in li national parlament: null
- Representantes in li parlament del Federation Bosnia e Herzegovina: un membre in li Dom del Nationes
Historie modificar
Elvira Abdić-Jelenović, qui es li filia del interprendero e ex-membre del Presidentie de Bosnia e Herzegovina Fikret Abdić, esset li representante del partise Democratic National Comunitá de Bosnia e Herzegovina) in li parlament del Federation Bosnia e Herzegovina in li Dom del Nationes. Ma ella esset excludet ex li Democratic National Comunitá de Bosnia e Herzegovina) pro que ella votat in li parlament contra li oficial direction de ti partise in li annu 2013. Pro to Elvira Abdić-Jelenović fundat con quelc adherentes li Labore Partise de Bosnia e Herzegovina.
Electiones modificar
Li Labore Partise de Bosnia e Herzegovina partiprendet por li unesim vez in li electiones de Bosnia e Herzegovina in li annu 2014. It ganiat mandates in li parlament del Canton Una-Sana e un sede in li parlament del Federation de Bosnia e Herzegovina in li Dom del Representantes.