Javier Milei

Javier Gerardo Milei es un economist e politico de Argentina. Il nascet li 22-im de ocotobre 1970 in Buenas Aires e es desde li 10-im de decembre 2023 li presidente e chef del guvernament de Argentina. Javier Milei es li fundator e presidente del dextri-populist partise Partido Libertario e del dextri coalition La Libertad Avanza.

Javier Gerado Milei
Javier Gerado Milei
Land	Argentina
Nascentie	22-im Octobre 1970 in Buenos Aires
Partise	Partido Libertario
Oficies
Presidente de Argentina
Quande	10-im de decembre 2023 til nu
Antecessor	Alberto Fernández

Personal e professional vive

Li famile de Javier Milei orígina de Italia. Javier Milei studiat economie in Buenos Aires e laborat quam consiliero por economic questiones in diversi statal institutiones. Milei esset professor por economie. Il anc laborat inter 2008 e 2021 por li millionario e interprendero Eduardo Eurnekian e su firma Corporacion America Airports.

Javier Milei devenit famosi in Argentina per su provocativ aparenties in li television in queles il criticat fortmen li guvernamentes de Argentina. In li annu 2017 Javier Milei recivet su propri emission in li radio.

Javier Milei ha scrit pluri libres.

Political cariera

• 2020 Javier Milei devenit membre del dextri partise Avanza Libertad.
• 2021 Javier Milei es electet in li parlament de Argentina e il fundat li dextri coalition La Libertad Avanza. Milei es anc membre del Partido Libertario.
• 2023 Javier Milei es electet quam presidente de Argentina in li duesim rond e devenit li 10-im de decembre 2023 presidente de Argentina.

Politica

Javier Milei descri su self quam anarcho-captitalist e declara su self quam adherante del Austrian Scole de Ecoonomie. Il vole introducter li US-Dóllar quam oficial valuta de Argentina e abolir li Central Bank de Argentina. Javier Milei emfasa li libertá del hom e vole reducter li rol del state in li societé. Il suporta li idé del maritage por homosexual cuples, ma refusa abortiones. Milei blama li pápa Franciscus de esser un comunist.