Jan van Aken
Jan Paul van Aken es un radical levul politico de Germania. Il nascet li 1-im de may 1961 in Reinbek e es desde li 19-im de octobre 2024 co-presidente del radical levul partise Die Linke con Ines Schwerdtner. Jan van Aken esset membre del parlament de Germania inter 2009 e 2017.
| Jan van Aken | |
|---|---|
 | |
| Land |  Germania
|
| Nascentie | 1-im May 1961 in Reinbek |
| Partise | Die Linke |
| Oficies | |
| Co-presidente del partise Die Linke | |
| Quande | 19-im de octobre 2024 til nu |
| Antecessor | Martin Schirdewan |
Personal e professional vive
modificarJan van Aken studiat biologie in Hamburg. Il ja esset in yun etá radical levul activist political. In li annu 1999 il fundat un organisation ne-guvernal por li interdiction de armes biological. Pro ínlegal actiones contra li transport de jettallia atomic van Aken esset condamnat in li annu 2013 por payar 2250 euros.
Inter 2004 e 2006 Jan van Aken esset inspector por armes biological del Organisation del Unit Nationes. Pos li annu 2017 il laborat por diversi organisationes international e por li Fundation de Rosa Luxemburg, quel apartene al radical levul partise Die Linke.
Jan van Aken es patre de quar infantes.
Political cariera
modificar- 2009-2017 Jan van Aken esset membre del parlament de Germania por li radical levul partise Die Linke.
- 2012-2013 Jan van Aken esset co-presidente del partise Die Linke.
- 2016-2022 Jan van Aken esset membre del presidentie del partise Die Linke.
- 2024 Jan van Aken esset electet ye li 19-im de octobre 2024 quam co-presidente del partise Die Linke juntmen con Ines Schwerdtner.