Martin Schirdewan

Martin Schirdewan es un politico de Germania. Il nascet li 12-im de julí 1975 in Ost-Berlin e esset inter li 25-im de junio 2022 e li 19-im de octobre 2024 co-presidente del levul-populist partise Die Linke juntmen con Janine Wissler.

Martin Schirdewan
Martin Schirdewan
Land	Germania Germania
Nascentie	12-im de julí 1975 in Berlin (Ost)
Ocupation	Politico

Personal e professional vive

Martin Schirdewan studiat political scientie in Berlin inter 1998 e 2003. In li annu 2007 il fat su doctoratu in political scientie in Berlin. Martin Schirdewan laborat quam redactor de jurnales del partise Die Linke.

Li grand-patre de Martin Schirdewan, Karl Schirdewan, esset un alt functionario del Socialist Partise del Unitá de Germania in li German Democratic Republica.

Political cariera

Martin Schirdwan fat su political cariera in li organisation del partise Die Linke in Thuringia.

• 2012 Martin Schirdewan esset electet in li presidentie del partise Die Linke.
• 2015 Martin Schirdewan candidat sin successe por li Europan Parlament, ma recivet un function del fundation Rosa-Luxemburg-Stiftung in Bruxelles.
• 2017 Martin Schirdewan devenit membre del Europan Parlament, pro que un del deputates del partise in Europan Parlament, Fabio De Masi, devenit membre del parlament de Germania.
• 2019 Martin Schirdewan esset electet in li Europan Parlament malgré perdes del partise in li electiones. Il esset un del du candidates cardinal del partise Die Linke con Özlem Demirel. Schirdewan es chef del fraction del partise in li Europan Parlament.
• 2022 Martin Schirdewan esset electet li 25-im de junio 2022 quam co-presidente del partise Die Linke juntmen con Janine Wissler. Schirdewan recivet 61,3 percentes del votes.
• 2022-2024 Martin Schirdewan esset 25-im de junio 2022 e li 19-im de octobre 2024 co-presidente del levul-populist partise Die Linke con Janine Wissler
• 2024 Martin Schirdewan ne candidat plu quam presidente del partise Die Linke pos un serie de defetes de du partise in pluri electiones.