Isa Mustafa
Isa Mustafa es un politico de Kosovo. Il nascet li 15-im de may 1951 in li village Prapashtica proxim de Priština e esset inter li 9-im de decembre 2014 e li 9-im de septembre 2017 prim-ministre de Kosovo. Mustafa es desde li annu 2010 presidente del partise Democratic Liga de Kosovo.
Personal e professional vive
modificarIsa Mustafa studiat economie in Priština e pos su studies il comensat in li annu 1974 laborar quam pedagogo in li universitá de Priština. Pos li Guerre de Kosovo in li annu 1999 il laborat quam scientist in li universitá de Priština. Mustafa esset anc presidente del directoratu del bank Dardania.
Isa Mustafa es maritat e have tri infantes, du filios e un filia.
Political cariera
modificarMustafa fat su political cariera in li Democratic Liga de Kosovo.
- 1984-1988 Presidente del consilie municipal in Priština.
- 1991-1999 Ministre por economie e financies in li guvernament de exilie de Kosovo.
- 2007-2013 Borgomastro de Priština.
- 2010 Isa Mustafa es electet quam presidente del Democratic Liga de Kosovo quam successor de Fatmir Sejdiu.
- 2014-2017 Mustafa esset prim-ministre de Kosovo in un coalition de guvernament inter su Democratic Liga de Kosovo e li Democratic Partise de Kosovo.