Hubert Aiwanger
Hubert Aiwanger es un politico de Germania. Il nascet li 26-im de januar 1971 in Ergoldsbach (Germania). Aiwanger es li presidente del Partise Líber Electores, presidente del Federal Asociation del Líber Electores, li presidente del Líber Electores de Bavaria e desde li novembre 2018 vice-prim-ministre e ministrie por economie, li developament del land e energie de Bavaria.
| Hubert Aiwanger | |
|---|---|
 | |
| Land |  Germania
|
| Nascentie | 26-im Januar 1971 in Ergoldsbach |
| Partise | Partise Líber Electores |
| Oficies | |
| Presidente del partise Partise Líber Electores | |
| Quande | 27-im octobre 2010 til nu |
| Antecessor | Armin Grein |
| Ministre de economie, regional developament e energie de Bavaria | |
| Quande | 12-im de novembre 2018 til nu |
| Antecessor | Franz Pschierer |
Personal vive
modificarAiwanger es farmero e studiat pos li scola in Weihenstephan (Germania) agricultura e finit su studies diplom-ingeniero de agricultura. Aiwanger havet un stipende del Fondation Kurt Seidl, quel es proxim del partise Cristan Social Union in Bavaria.
Aiwanger es in un relation con Tanja Schweiger, qui es anc um membre del parlament de Bavaria por li Líber Electores de Bavaria. Li cuple have un comun infante.
Political cariera
modificar- 2002 Aiwanger devenit un membre del Líber Electores e candidat sin successe por li local parlament.
- 2004 Aiwanger devenit presidente del Líber Electores in Landshut e poy presidente del Líber Electores in li Districte Infra Bavaria in Garching apu München.
- 2006 Aiwanger es electet surprisantmen quam del Líber Electores de Bavaria. Su political scope esset ducter li Líber Electores in li parlament de Bavaria.
- 2008 Li Líber Electores de Bavaria atinge in li electiones de Bavaria 10,2 percent e Aiwanger devenit memmbre del bavarian parlament e es electet quam presidente del fraction de su partise in li bavarian parlament. Pos ti successe li nov scope de Aiwanger es que li Líber Electores anc intrar in federal parlament de Germania e li Europan Parlament.
- 2010 Aiwanger es electet quam presidente del Partise Líber Electores e quam presidente del Federal Asociation del Líber Electores.
- 2013 In li electiones in Bavaria li Líber Electores de Bavaria anc intrat denov in li bavarian parlament con 9,0 percent del votes e Aiwanger deveni denov membre del bavarian parlament e il es denov electet quam presidente del fraction de su partise.
- 2018 Hubert Aiwanger devenit vice-prim-ministre de Bavaria e ministrie por economie, li developament del land e energie.
- 2023 Hubert Aiwanger es electet por li unesim vez directmen in li parlament del país federal Bavaria e devenit denov vice-prim-ministre de Bavaria e ministrie por economie, li developament del land e energie.
Political positiones
modificarAiwanger have un critical opinion pri li comun europan valuta Euro. Il cooperat til li annu 2013 con li professor por economie Bernd Lucke, qui nu ha fundat con li partise Alternative por Germania su propri partise.
Aiwanger vole etablisser li movement de Líber Electiones quam alternative in tot Germania por li electores del conservativ-liberal partise. Ti position es disputat in quelc organisationes del Líber Electores.