Higiene-demonstrationes

Higiene-demonstrationes es political protestes in Germania contra li restrictiones del state durant li COVID-19-pandemie in li annu 2020.

Li restrictiones in Germania

Malgré un micri númere del grav casus del maladie in Germania li german state restrictet li political libertás del population queles esset garantit in li constitution in un grand scala. Támen li restrictiones in Germania esset mild in comparation a Hispania, Francia e Italia. Contra ti restrictiones comensat in li fine 2020 malgré un oficial prohibition de political demonstrationes protestes in Germania.

Protestes in Berlin

Desde li 28-im de marte 2020 eveni in Berlin che li Rosa-Luxemburg-Platz avan li teatre Volksbühne sen oficial anuncie che li state li higiene demonstrationes. In li comense solmen tre poc homes partiprendet in it, ma in li fine del april 2020 esset ja 1000 homes. Li demonstrationes es pacific, ma li policie arestat quelc demonstratores pro li pecca contra li higiene-regules. Li higiene-demonstrationes es organisat chascun saturdie.

Li organisatores del protestes es li Kommunikationsstelle Demokratischer Widerstand (Loc del comunication del democratic resistentie). Anc in altri cités ti organisation organisa protestes. Li motto del protestes des Nicht ohne uns (Ne sen noi). Li Kommunikationsstelle Demokratischer Widerstand publica li jurnal Demokratischer Widerstand (Democratic Resistentie) quel havet ye li 1-im de mai 2020 secun li internet-págine del organisation 380.000 exemplares.

Protestes in altri cités

In Stuttgart un higiene-demonstration esset organisat li 1-im de may 2020 e oficialmen anunciat. Li demonstration esset legal e circa 5000 homes partiprendet in li demonstrationes.

Partise Widerstand2020

Durent li protestes contra li restrictiones del libertá durant li Corona-crise li medico Doctor Bodo Schiffmann, li avocate Ralf Ludwig e Victoria Hamm etablisset in li april 2020 li partise Widerstand 2020 (Resistentie2020). Li partise assertet in li comense de may 2020 haver plu quam 100.000 membres, ma to relate se a anuncies sur li internet-págine del partise.

Critico

Mult medies e politicos criticat li higiene-demonstrationes quam manifestation del extrem dextri politica e del adherentes del teories del conspirationes quel partiprende in li demonstrationes. Por pruvar ti tese ili monstra a persones ex li dextri political camp. In fact li higiene-demonstrationes es un mixtura inter levul e dextri orientat homes ma anc nepolitical persones es inter ili.