Hans Modrow
Hans Modrow esset un comunist politico del German Democratic Republica. Il nascet li 27-im de januar 1928 in Jasenitz e esset inter li 13-im de novembre 1989 til 12-im de april 1990 prim-ministre del German Democratic Republica. Il esset membre del Socialist Partise del Unitá de Germania e su successor-partises in li unit Germania.
| Hans Modrow | |
|---|---|
 | |
| Land |  Germania
|
| Nascentie | 27-im Januar 1928 in Jasenitz |
| Morte | 11-im Februar 2023 in Berlin |
| Partise | Socialist Partise del Unitá de Germania |
| Oficies | |
| Prim-ministre del German Democratic Republica | |
| Quande | 13-im de novembre 1989 til 12-im de april 1990 |
| Antecessor | Willy Stoph |
| Successor | Lothar de Maizière |
Personal e professional vive modificar
Hans Modrow fat un aprentisage quam serrero por machines. Il devet partiprender in li Duesim Guerre Mundal. Hans Modrow esset in li captivitá del Soviet-Union durant li guerre. Ta il devenit adherent del totalitari ideologie del comunisme. Hans Modrow retornat ye li annu 1949 del captivitá de guerre. Il studiat economie in Berlin.
Hans Modrow esset maritat con Annemarie Straubing e li cuple havet quin infantes, ma tri morit strax pos li nascentie.
Political cariera modificar
- 1958-1990 Hans Modrow esset membre del pseudo-parlament del German Democratic Republica.
- 1967-1989 Membre del Central Comité del Socialist Partise del Unitá de Germania.
- 1973-1989 Unesim secretario del communist Socialist Partise del Unitá de Germania in Dresden.
- 1989-1990 Hans Modrow esset prim-ministre del German Democratic Republica inter li 13-im de novembre 1989 til 12-im de april 1990.
- 1990-1994 Modrow esset membre del parlament del unit Germania por li successor-partise del Socialist Partise del Unitá de Germania, Partise del Democratic Socialisme.
- 2007-2023 Presidente del Consilie del Seniores del partise Die Linke.
Politica e controverses modificar
Hans Modrow esset responsabil por li falsification de electiones in li German Democratic Republica e violentie contra demonstrantes in li annu 1989. Til su morte Modrow adheret a li totalitari ideologie del comunisme. Il justificat li imperialist atacca de Russia contra Ukraina in li annu 2023.