Evolution
Evolution (anc conosset quam evolution biologic o organic) es li curse de change de trates heredat quel es incontrat in populationes de organismes. Ti trates heredat es caracteristicas notabil, anatomic o biochimic o de conduida, quel posse esser passat ex un generation al sequent. Evolution es possibil quande hay un variation de trates heredat in un population. Li fontes prim de evolution include mutation, recombination genetic, e fluition genetic. Evolution ha causat li diversification de tot li organismes vivent de un antecessor comun, quel esset nominat de Charles Darwin quam essent "formes sin fine, li maxim bell e li maxim marvelosi."
Mecanismes modificar
Hay quar mecanismes comun de evolution. Li unesim mecanisme es selection natural, li curse in quel hay rationes different de superviver o reproducter se quel es different por chascun trate heredat. Li duesim mecanisme es derivation genetic, li curse in quel hay changes hasardal al proportiones inter du o plu de trates heredat inter un population. Li triesim mecanisme es mutation, in quel hay un change permanent in un sequentie de ADN. Li quaresim mecanisme es fluition genetic, in quel genes de un population es incorporat al altri.
Evolution posse causar speciation, in quel un specie antecessoral deveni du o plu species different. Speciation es visibil in li similitás anatomic e genetic inter populationes, li distribution geografic, de species afin, e historie fossil, e li changes genetic notat tra pluri generationes. Li curse de speciation dura pos li 3 500 000 000 annus que li vive existe sur Terra.
Scientie modificar
Li studie scientific de evolution initiat in li secul 19, quande investigationes in li historie fossil e li diversitá de organismes vivent ha convictet li majorité del scientistes que species evolue. Li mecanisme de evolution ne esset conosset til que li teorie de selection natural esset proposit de Charles Darwin e Alfred Wallace (índependentmen) in 1858. In li secul 20, teories darwinian de evolution esset combinat con genetica, paleontologie e sistematica, e it ha creat li sintese evolutionari modern. Ti sintese devenit un principle primari de biologie, proque it furnit un explication coherent e uniform por ambi li historie e li diversitá del vive.
Hodie, li studie del evolution es aplicat in studies tam varie quam biologie de conservation, biologie developationari, ecologie, fisiologie, paleontologie e medicina. Ultra biologie, li idés del sintese evolutionari modern ha influentiat agricultura, antropologie, filosofie e psichologie.
Historie modificar
Ante li labor de Charles Darwin, li studie de evolution ne esset scientific, ma ductet ex historicos natural. Por exemple, li majorité del historicos natural de ti-ta era conceptet li idé de un specie relativmen a lor essenties o ideales; individues actual posset esser o bon o mal exemples de su idé. Ma scientistes natural initiat vider li arangeamentes natural quam statisticas; in altri paroles, relativmen a probabilitás e ne de maniere deterministic. Thomas Robert Malthus havet ti avicination por populationes human in su ovre An Essay on the Principle of Population quel influentiat Darwin. Initiant con Darwin, species esset constructet in términos statistic.
Darwin formulat su idé de selection natural in 1838, e il ancor developat su teorie in 1858 quande Alfred Russel Wallace misset li un teorie simil. Ambis esset presentat al Societé Linnean de London quam discurses separat. Al fine de 1859, li publication de Pri li Orígine del Species de Darwin presentat testimonie, causant li acceptation larg del occurrentie de evolution. Thomas Henry Huxley aplicat li idés de Darwin a homes, per usar paleontologie e anatomie comparativ por provider testimonie fort que homes e simies have un antecessor comun.
Debatte pri li mecanismes de evolution continuat e Darwin ne posset explicar li fonte del variationes heredabil quel posse esser modificationes per selection natural. Similmen a Jean-Baptiste Lamarck, il ja credet que genitores passat li adaptationes aquisit in su vives, un teorie nominat lamarckisme. In li annus 1880, experimentes de August Weismann indicat que changes del usu e disusu ne esset heredabil, e lamarckisme esset defamat. In 1865, Gregor Mendel decovrit que trates esset heredat in un manierepredibil. Quande su labor esset redecovrit in li annus 1900, desacordamentes inter li rationes de evolution predit ex ti modelles causat un fissura inter li modelles mendelian e darwinian de evolution. Ti contradition inter li ovres de Darwin e Mendel esset reconsiliat in li annus 1920 e 1930 de biologistes evolutionari quam J.B.S. Haldane, Sewall Wright, e Ronald Fisher, qui creat li fundationes por genetica populational.