Dervo Sejdić
Dervo Sejdić es un conosset activist por li jures del Roma in Bosnia e Herzegovina. Il nascet in li annu 1956 e habita in Sarajevo.
Dervo Sejdić es li vice-presidente del NGO Roma-organisation Kali Sara Roma Information Center in Sarajevo.
Li casu Sejdić-Finci modificar
In li annu 2006 il processuat juntmen con li actvist de judéos Jakob Finci in li Europan Tribunale de Homan Jures in Strasbourg (Francia) contra un articul in li constitution de Bosnia e Herzegovina quel ne permisset cives qui ne es membres del national gruppes de croates, serbes o bosniakes candidar por li Dom del Nationes de Bosnia e Herzegovina, quel es li duesim dom del parlament del land, por li Statal Presidentie de Bosnia e Herzegovina.
In li annu 2009 li Europan Tribunale de Homan Jures decidat que li articules in li constitution de Bosnia e Herzegovina es contrari li Europan Convention pri Homan Jures. Quam membre del Consilie de Europa Bosnia e Herzegovina have li obligation changear su constitution pro to membres de altri national gruppes posse candidar por Dom del Nationes de Bosnia e Herzegovina e Statal Presidentie de Bosnia e Herzegovina. Til hodie Bosnia e Herzegovina ne ha changeat su constitution.