Daniel Caspary
Daniel Caspary es un politico de Germania. Il nascet li 4-im de april 1976 in Karlsruhe e es desde li annu 2004 membre del Europan Parlament por li Cristan Democratic Union de Germania. Desde li julí 2017 Daniel Caspary es presidente del german gruppe del Cristan Democratic Union de Germania e del Cristan Social Union in Bavaria in li Europan Parlament.
| Daniel Caspary | |
|---|---|
 | |
| Land |  Germania
|
| Nascentie | 4-im de april 1976 in Karlsruhe |
| Ocupation | Politico |
Personal e professional vive
modificarDaniel Caspary finit li scola in Karlsruhe e pos li scola il fat su obligatori militari servicie. Il studiat economie in Karlsruhe e durant li studies il laborat por li ministre por agricultura del german país federal Baden-Württemberg Peter Hauk quam assistente. Daniel Caspary anc laborat por li universitá de Karlsruhe e che li firma MVV Energie AG in Mannheim.
Daniel Caspary es maritat e have quin infantes.
Political cariera
modificarDaniel Caspary esset activ quam adolescente in li Junge Union Deutschland, quel es li oficial organisation de yunesse del Cristan Democratic Union de Germania.
- 1999-2009 Daniel Caspary esset membre del consilie municipal de Stutensee.
- 2004 Daniel Caspary es electet in li Europan Parlament por li Cristan Democratic Union de Germania.
- 2010 Daniel Caspary devenit presidente del local organisation del Cristan Democratic Union de Germania in Karlsruhe-Land.
- 2011 Daniel Caspary esset electet in li presidente del Cristan Democratic Union de Germania in li país federal Baden-Württemberg.
- 2017 In li li julí 2017 Daniel Caspary es presidente del german gruppe del Cristan Democratic Union de Germania e del Cristan Social Union in Bavaria in li Europan Parlament e il devenit membre del presidentie del Cristan Democratic Union de Germania e vice-presidente del Cristan Democratic Union de Germania in li país federal Baden-Württemberg.