Chimic element
In chimie, un element es un pur substantie consistent solmen de atomes que omni have li sam numeres de protones in lor nucleos. Diferent de chimic composites, chimic elementes ne posse esser dividet ad-in plu simplic substanties per alcun chimic reaction. Li númere de protons in li nucleo es li definint proprieta de un element, e it es nominat su atomic númere (representat per li simbol Z) – omni atomes con li sam atomic númere es atomes del sam element.[1] Omni del baryonic materie del universe es composit de chimic elementes. Quande diferent elementes suffre chimic reactiones, atomes es rearangeat ad-in nov composites tenet junt per chimic bandes. Solmen un minoritá de elementes, quam argente e aure, es trovat incombinat quam relativmen pur elemental minerales. Presc omni altri naturalmen ocurrent elementes es trovat in li Terra quam composites o mixturas. Aere es chefmen un mixtura del elementes nitrogen, oxygen, e argon, benque it anc contene composites includent carbon dioxid e aqua.
Li historie del decovrition e usu del elementes comensat in primitiv human societés que trovat elemental minerales quam carbon, sulfur, cupre e aure (benque li conception de un chimic element ne esset comprendet). Provationes de classificar materiales quam tis resultat in li conceptiones de classic elementes, alchemie, e varie simil teories tra human historie. Lu max del modern comprension del elementes developat del labor de Dmitri Mendeleev, un russian chimisto qui publicat li prim reconossibil tabelle periodic in 1869. Ti tabelle organisa li elementes per acrescent atomic númere ad-in ranges ("periodes") in quel li columnes ("gruppes") have repetint ("periodic") physical e chimic proprietás. Li tabelle periodic resuma varie proprietas del elementes, admisser chimistes de deriver relationes inter les e de predi li proprietas de nov composites.
Ye novembre 2016, li Union International de Chimie Pur e Aplicat hat reconosset un tot de 118 elementes. Li prim 94 ocurre naturalmen sur Terra, e li remanent 24 es sintetic elementes productet in nucleari reactiones.