CANZUK
CANZUK es un teoretic union del quar landes Canada, Australia, Nov-Zeland, e li Reyatu Unit (UK), ex quel veni li nómine: C por Canada, A por Australia, NZ por Nov-Zeland, e UK por li Reyatu Unit.[1] Li proposit scope del union es ancor ínclar ma posse esser simil a ti del Europan Economic Comunité, quel precedet li Europan Union. CANZUK proposi plu integration in li areas de comercie, politica foren, cooperation militari e mobilitá del citeanes. Cert politicos in chascun land apoya li idé, e existe altri gruppes queles da un plen apoy, tales quam CANZUK International, li Adam Smith Institute, li Henry Jackson Society, e li Bruges Group.
Historie modificar
Li nómine CANZUK esset usat por li prim vez del autor William David McIntyre in su libre Colonies into Commonweath publicat in 1967 in li contextu de un "Union CANZUK". Li idé de agrandat migration, comercie e politica foren inter li landes CANZUK esset creat e popularisat in 2015 del CEO e fundator de CANZUK International, James Skinner.
Pos li votation in 2016 in li Reyatu Unit pri su membritá in li Europan Union (quel finit con un decision de exear it), scritores quam Andrew Lilico e James C. Bennett e historicos quam Andrew Roberts comensat propagar li idé que li quar landes mey crear un nov union in li politica international. Roberts descrit un tal bloc quam un "triesim pilare del West" apu li Unit States e li Europan Union. Il argumenta anc que li territoria, scope geografic e developat economie vell esser sat por qualificar it quam un "grand potentie" e possibilmen un "global potentie" (o aparient suprapotentie).
Alucunes (quam Roberts) prefere un union federal o confederal. Altres (quam Lilico) descri que li scope de CANZUK es li creation de un "societé geopolitical" simil al Europan Economic Comunité. Secun li version favorat de Lilico, CANZUK International e li Partise Conservativ de Canada, li proposition vell includer li creation de un zone de líber movement, un pacte multilateral de líber exchange e un parteneriatu de securitá. Li plu general concept de plu profund ligamentes comercial (con o sin un acorde multilateral) have mult apoyantes, tales quam Scott Morrison (Prim-ministre de Australia), Justin Trudeau (Prim-ministre de Canada), Theresa May (anteyan Prim-ministre del Reyatu Unit) e Jacinda Ardern (Prim-ministre de Nov-Zeland).
Relationes inter li candidat-states modificar
Canada, Australia e Nov-Zeland es omni anteyan colonias por pioneros del Britannic Imperie e in queles persones de britannic etnic orígine forma li majorité del population. Hodie, li quar candidat-states de CANZAK mantene proxim relationes in li sferes cultural, diplomatic e militari. Li flagga del Reyatu Unit mem trova se in til de Australia e Nov-Zeland, e li tal-nominat Union Flag es reconosset ancor quam un del du oficial flaggas de Canada (nominat li Royal Union Flag).
Comparation de possibil membre-states modificar
| Canada | Australia | Nov-Zeland | Reyatu Unit | |
|---|---|---|---|---|
| Population | 37,971,020 | 25,522,169 | 5,021,400 | 66,796,807 |
| Superficie
(km quadratic) |
9,984,670 | 7,741,220 | 268,838 | 243,610 |
| Cité capital | Ottawa | Canberra | Wellington | London |
| Max grand regiones urban | Toronto: 6.197 million
Montreal: 4.221 million Vancouver: 2.581 million Calgary: 1.335 million Ottawa: 1.323 million Edmonton: 1.321 million |
Sydney: 5.312 million
Melbourne: 5.078 million Brisbane: 2.514 million Perth 2.042 million Adelaide: 1.336 million Gold Coast: 679,127 |
Auckland: 1.607 million
Wellington: 415,000 Christchurch: 404,500 |
London: 10.979 million
Region de Manchester: 2.730 million Birmingham: 2.607 million West Yorkshire: 1.889 million Glasgow: 1.663 million Merseyside: 1.423 million |
| Lingues oficial | anglés, francés | anglés | anglés, maori, lingue de signes nov-zelandic | anglés, gallés |
| Chef de state | Reyessa Elisabeth II | Reyessa Elisabeth II | Reyessa Elisabeth II | Reyessa Elisabeth II |
| Chef del guvernament | PM (Prim-ministre) Justin Trudeau | PM Scott Morrison | PM Jacinda Ardern | PM Boris Johnson |
Public opinion modificar
Opiniones pri plu profund relationes es por li pluparte positiv in li quar landes. Alcun sondages pri li tema es quam seque:
2015 modificar
Un sondage de YouGov in 2015 trovat de 58% de britannicos vell apoyar li libertá de movement e labor inter it e li tri altri landes, con 19% contra e 23% índecidet.[2]
2016 modificar
Un sondage fat per li Royal Commonwealth Society in ti annu trovat que:
- 70% de australianes esset por e 10% contra, - 75% de canadeses esset por e 15% contra, - 82% de nov-zelandeses esset por e 10% contra.[3]
2018 modificar
Un sondage inter januar e marte sur 13,600 respondentes ex li quar landes monstrat un agrandat un apoy por reciproc líber exchange e movement de persones a 73% in Australia, 76% in Canada, 82% in Nov-Zeland, e 68% in li Reyatu Unit.
2020 modificar
Un sondage inter 13 novembre 2020 e 4 januar 2021 sur membres del Conservativ Partise in li parlament del Reyatu Unit monstrat que un aplastant majorité (91%) esset por un líber comercie inter li quar landes, ma un mult minu grand majorité (61%) por li líber movement de persones.[4]
Fontes modificar
- ↑ https://www.telegraph.co.uk/news/2016/09/13/canzuk-after-brexit-canada-australia-new-zealand-and-britain-can/
- ↑ https://yougov.co.uk/news/2015/11/19/majority-support-commonwealth-freedom-movement/
- ↑ https://web.archive.org/web/20170106035304/https://www.thercs.org/assets/Press-Releases/UK-polling-release-embargoed-13.03.16-1.pdf
- ↑ https://www.canzukinternational.com/2021/01/polling-reveals-majority-support-for-canzuk-in-uk-parliament.html