Basis Democratic Partise de Germania

Li Basic Democratic Partise de Germania (german: Basisdemokratische Partei Deutschlands es un political partise in Germania. It es anc abreviat quam dieBasis (LiBase). Li partise esset fundat in li julí 2020 quam consequentie del protestes contra li restrictiones del german guvernament por combattar li COVID-19 pandemie.

Fundation: 4-im de julí 2020
Political direction: por plu direct democratie, contra restrictiones por combattar li COVID-19 pandemie, critical contra vaccinationes.
Presidentes: Sven Lingreen e Skadi Helmert
Vice-presidentes: Benjamin Dieckmann
Sede del partise: Berlin
Membritá: 24.000 (2023) secun propri informationes del partise
Reprensentantes in li national parlament: null
Representantes in li parlamentes del países federal: null
Mandates sur li local nivelle: quelc mandates: circa 40.

Historie

Li Basis Democratic Partise de Germania esset fundat in li 4-im de julí 2020 in Kirchheim (Hesse) de activistes del higiene-demonstrationes contra li restrictiones in Germania pro li COVID-19 pandemie. Inter li fundatores del partise esset Ralf Ludwig. Li unesim presidente del partise devenit Frank Roedel. In li congress de fundation partiprendet 45 membres de 10 países federal ^[1].

In li annu 2021 li Basic Democratic Partise de Germania partiprendet in li electiones por li parlamentes in li países federal Baden-Württemberg e Saxonia-Anhalt e recivet 1,0 e 1,5 percentes. In li local electiones in Infra Saxonia li Basis Democratic Partise de Germania ganiat plu quam 40 mandates^[2].

Ye li 21-im de marte 2021 li unesim regulari federal congress del partise evenit in Hannover. Diana Osterhage e Andreas Baum esset electet quam nov presidentes del Basis Democratic Partise de Germania.^[3]

Inter li membres del Basic Democratic Partise de Germania esset notori criticos del COVID-19-politica in Germania quam Reiner Fuellmich e Sucharit Bhakdi.

L Basis Demcratic Partise de Germania candidat por li electiones al parlament de Germania 2021 in 15 de 16 países federal. In Berlin li liste del partise esset rejectet pro formal causes, ma it candida in Berlin in li electiones al parlament del país federal in li sam die. Ante li electiones li Basis Democratic Partise de Germania selectet Reiner Fuellmich quam su oficial candidate por li oficie del prim-ministre de Germania. Li partise recivet 1,4 percentes o 628.32 votes in ti electiones por su listes e 1,6 percentes o 734.621 votes por su direct candidates.

Organisation

Li Basis Democratic Partise de Germania have su organisationes in 16 omni países federal de Germania.

Presidentes del Basic Democratic Partise de Germnia

2020-2021 Frank Roedel
2021-2023 Andreas Baum e Sabine Osterhage
2023- Sven Lingreen e Skadi Helmert

Federal Congresses del partise

2020 4-im de julí Kirchheim (Hesse) Fundation
2021 21-im de marte Hannover: Unesim regulari congress federal del partise
2023 31-im de marte til 2-im de april in Braunschweig
2023 8-im de septembre til 10-im de septembre in Bonn
2024 25-im de octobre til 27-im de octobre 2024 in Hirschaid

Electoral Resultates

Resultates sur li national nivelle de Germania

National electiones de Germania

2021 1,4 percentes e 628.432 votes por li listes e 1,6 percentes e 734.621 por li direct candidates. Li Basic Democratic Partise de Germania candidat in li tot land, ma li liste del partise esset refusat in Berlin pro formal causes.

Electiones al Europan Parlament

til nu null

Resultates in país federal

Resultates in li recent electiones del países federal de Germania

Baden-Württemberg 1,0 % e 48.497 votes (2021)
Saxonia-Anhalt 1,5 % e 15.623 votes por li liste e 0,7 percentes e 7.564 votes por li direct candidates (2021)
Berlin 1,3 percentes e 22.949 votes li liste e 29.754 por direct candidates (2021)
Mecklenburg-Vorpommeria 1,7 percentes e 15.165 votes por li liste e 1,8 percentes e 16.316 votes por li direct candidates (2021).
Saarland 2022: 1,4 percentes
Schleswig-Holsteinia: 1,1 percentes
Nordrhen-Westfalia: 0,8 percentes
Infra Saxonia: 1,0 percent
Berlin 2023: 0,5 percentes
Bremen 2023: 0,8 percentes
Bavaria 2023: 0,9 percentes
Hesse 2023: 0,5 percentes
Europan Parlament 2024: 0,3 percentes
Saxonia 2024: 0,2 percentes

Political programma

Secun li partise li quar colonnas de su programma es: Libertá, Limitation del statal potentie, respecte e intelligentie del turbul. Concret li Basis Democratic Partise de Germania demanda li ínmediat abolition de omni restrictiones contra li COVID-19 pandemie in Germania.

Li Basis Democratic Partise de Germania es critical contra vaccinationes e contra omni restrictiones contra persones qui ne vole vaccinar se contra li COVID-19 pandemie. Li partise vole que in un basis-democratic processu omni cives decide li politica directmen. To es li conception del turbul-intelligentie in li programma del partise^[4].

In mult atri punctus li programma resta vag.

Critica

Li Basis Democratic Partise de Germania es criticat in Germania que it suporta teories de conspiration in relation con li COVID-19 pandemie. Mult medies e altri partises critica que li Basis Democratic Partise de Germania nega e relativira li dangeres del COVID-10 pandemie. Levul gruppes e activistes asserte que li partise tolera extrem-dextri activistes inter su membres e coopera con extrem-dextri gruppes in li demonstrationes contra li COVID-19 pandemie.

Ligamentes extern

Li oficial internet-págine del Basisdemocratic Partise de Germania

Referenties

[1] ttps://diebasis-partei.de/2020/07/wir-haben-uns-gegruendet/

[2] ttps://www.facebook.com/diebasispartei/photos/a.106734351109877/370805588036084/

[3] ttps://diebasis-partei.de/2021/04/erster-ordentlicher-bundessparteitag-von-diebasis/

[4] ttps://diebasis-partei.de/wahlen/programm/

[1]

[2]

[3]

[4]