Bakir Izetbegović

Bakir Izetbegović es un politico de Bosnia e Herzegovina. Il esset electet in li Presidentura del state de Bosnia e Herzegovina quam representate del bosniakes in li annu 2010. Il nascet li 28-im de junio 1956 in Sarajevo (Bosnia e Herzegovina) e es li vice-presidente del Partise del Democratic Action/SDA. Il es li filio del ex-presidente de Bosnia e Herzegovina Alija Izetbegović qui ha fundat li Partise del Democratic Action e ludet un important rol in li process del separation del land de Yugoslavia in li annu 1990.

Personal Vive

Bakir Izetbegović studiat architectura in li universitá de Sarajevo. Il finit su studie in li annu 1981. Inter 1982 e 1991 il laborat por li consultation-firma Konsalting in Sarajevo.

Durant li Guerre Intern de Bosnia e Herzegovina inter 1992 e 1995 il laborat quam secretario por su patre Alija Izetbegović qui esset presidente de Bosnia e Herzegovina in ti periode.

Bakir Izetbegović es maritat con Sebija Izetbegović e li cuple un filia Jasmina.

Political cariera

Bakir Izetbegović fat su political cariara in li Partise del Democratic Action/SDA quel esset fundat de su patre.

1992-2003 Membre del directoratu del SDA in li Canton Sarajevo.
2000-2002 Chef del fraction del SDA in li parlament del Canton Sarajevo.
2002-2006 Membre del Dom del representates del Federation Bosnia e Herzegovina.
2003 Bakir Izetbegović deveni vice-presidente del Partise del Democratic Action.
2006-2010 Membre e chef del fraction del SDA in li parlament de Bosnia e Herzegovina.
2009 Bakir Izetbegović candidat por li oficie del presidente del Partise del Democratic Action, ma perdit contra li actual presidente del partise Sulejman Tihić
2010 Il esset electet directmen quam representate de bosniakes in Presidentura del state Bosnia e Herzegovina quam candidate del Partise del Democratic Action.
2014 Bakir Izetbegović candida denov por li Presidentura del state de Bosnia e Herzegovina quam candidate del SDA.