Antiquitá in li peninsul Iberic

Li Antiquitá in li peninsul Iberic es li subdivision del scientie historic e li periodisation del témpor historic correspondent al Antiquitá general e limitat spacialmen al peninsul Iberic. Cronologicmen comensa a final del secul II e comenses del I millenie a.C., quande comensa a haver referenties a ti-ci region in fontes scrit (quel proprimen es protohistoria del peninsul Iberic, nam it ne evenit localmen, ma in altri spacies geografic), e termina in li Antiquitá tardiv, con li declive del Imperie Roman (ab li crise del secul III), li invasion del popules germanic (annu 411) e li colonisation definitiv del Hispania visigothic, que pervivet til li annu 711. Ni li comense ni li final del Etá Antic in li peninsul Iberic significat cortes abrupt, ma seculari periodes de transition.

Durante li Iesim millenie a.C. evenit un intens contact, specialmen in li ost e li sud del peninsul, inter li popules indigen e li popules colonisator historic provenient del Mediterraneo oriental: fenicianes, grecos e cartagineses. A final del secul III a.C. evenit li intervention roman, in li contextu del guerres punic, que originat un profund processu de romanisation.